07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Հյուսիս-հարավ ճանապարհի Աշտարակ-Թալին հատվածի կառուցումն ընթացքի մեջ է
30.07.2024 | 14:42
Հյուսիս-հարավ ճանապարհի Տրանշ-2-ի 34կմ ճանապարհահատվածի (Մ-1‚ կմ37+545-կմ71+435‚ Աշտարակ-Թալին) կառուցումն ընթացքի մեջ է․ տեղեկացնում են Ճանապարհային դեպարտամենտ հիմնադրամից։
Իրականացվել է ծրագրով նախատեսված հողային աշխատանքների մոտ 50%-ը։ Ակտիվ ընթացքի մեջ են տարբեր հատվածների ասֆալտապատման աշխատանքները։ Արդեն իսկ ավարտվել են մոտ 10կմ (որից մոտ 6կմ աջակողմյան և մոտ 4կմ ձախակողմյան հատվածներում) ճանապարհահատվածի ասֆալտե երկշերտ ծածկի տեղադրման աշխատանքները, ևս 3կմ հատվածի երկշերտ ասֆալտապատումն ընթացքի մեջ է և նախատեսվում է ավարտել մինչև ս․թ․ հոկտեմբերի սկիզբ։ Օգոստոսից նախատեսվում է սկսել նշված հատվածների վերին շերտի ասֆալտապատման աշխատանքները։ Միաժամանակ կատարվում են Տ-աձև խաչմերուկների և տրանսպորտային հանգույցների ծածկի կառուցման, բաժանարար գոտու և կողնակների‚ ջրահեռացման վաքերի աշխատանքները։ Զուգահեռաբար ձախակողմյան հատվածում ընթացքի մեջ են 3 ուղեանցների կառուցման աշխատանքները։
Ճանապարհի կառուցումն իրականացվում է ՀՀ պետական բյուջեի և Ասիական զարգացման բանկի վարկային միջոցներով։
