09.06.2026 | 00:17
Մարկո Ռուբիոն շնորհավորել է Փաշինյանին
Կրեմլից մի հատ ջղային խոսք կամ 30 միլիոնի վարկ և ՀԱՊԿ-ում Հայաստանի վետոյի իրավունքը կարող է հաղթահարվել․ ՏԵՍԱՆՅՈՒԹ
Քաղաքականություն
05.09.2018 | 16:49
Հետախուզադիվերսիոն ջոկատի հիմնադիր հրամանատար, ազատամարտիկ Վովա Վարդանովի համոզմամբ՝ հայ-ադրբեջանական սահմանին հակառակորդի կողմից ձեռնարկվող սադրաքներին հասարակությունը պետք է միշտ էլ պատրաստ լինի, քանի որ հակառակորդի մոտ հակահայկական տրամադրվածությունը գնալով ավելանում է։ Ազատամարտիկը նաև հուշում է՝ նման սադրանքներին դիմակայելու համար տարբերակներ պետք է մշակել։
«Ռազմական գործողությունների սցենարներ պետք է լինեն կամ, օրինակ, փշալարերով կարելի է փակել որոշ տարածքներ, որտեղ կկարողանանք ժամանակավոր մեկուսացնել սահմանը հատած քաղաքացուն, կամ ստեղծել ինչ-որ միջանցքներ»,- այսօր հրավիրված մամուլի ասուլիսի ժամանակ ասաց Վովա Վարդանովը։
Վերջինս նաև նշեց, որ հայ-ռուսական հարաբերությունների սառեցումից շատ արագ շտապում է օգտվել հակառակորդը, և պատասհական չէ նրանց ակտիվացումը ՌԴ-ի հետ, երբ Խաչատուրովին ձերբակալեցին։
«Խաչատուրովին ձերբակալելուց առաջ 5 անգամ պետք էր մտածել դրա մասին։ Եթե ինչ-որ մեկը պնդել է, որ Խաչատուրովին պետք է ձերբակալել, նրան պետք է գործից ազատել, որովհետև ադրբեջանական ռազմատեխնիկական՝ առանց այն էլ շատ մոտ կապերը ՌԴ-ի հետ ավելի կսերտանան, քանի որ իրենց երազանքն էր, որ ՀԱՊԿ-ի գլխավոր քարտուղարին կարողանան կպնել»,- ասաց նա։
Ազատամարտիկը չբացառեց, որ այս կառույցին կարող է անդամակցել մեր հակառակորդ երկիրը, և դա չի կարող կասեցնել անգամ ՀՀ-ի ունեցած վետոյի իրավունքը, որը հաղթահարելը շատ հեշտ բան է․ «Կրեմլից մի ջղային խոսք կամ 30 միլիոնի վարկ է ընդամենը»,- նշեց Վարդանովը։
Մանրամասները՝ տեսանյութում։
