15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Վեդու համայնքապետարանը՝ մանկապարտեզում երեխայի ծեծի մասին
Հասարակություն
26.07.2024 | 18:16
Վեդու համայնքապետարանը հայտարարություն է տարածել համացանցում տարածված տեսանյութի վերաբերյալ, որտեղ երևում է, որ մանկապարտեզում երեխաներից մեկին ծեծի են ենթարկում։
«Հարգելի քաղաքացիներ.
Այսօր՝ հուլիսի 26-ին, ժամը 14:00-ի սահմաններում, սոցիալական կայքերում տարածված տեսանյութի (Փոքր Վեդու «Զարթոնք» ՆՈՒՀ-ՀՈԱԿ-ում տեղի ունեցած միջադեպով) կապակցությամբ տեղեկացնում ենք, որ դեպքի մասին իրազեկվելուց անմիջապես հետո Վեդի համայնքի ղեկավարը իր լիազորությունների շրջանակներում հետամուտ է եղել դեպքի հանգամանքների բացահայտման, մեղավորներին պատասխանատվության ենթարկելու և հետագայում նմանատիպ դեպքերը բացառելու ուղղությամբ:
Միաժամանակ տեղեկացնում ենք, որ դեպքի հանգամանքները պարզելու նպատակով համապատասխան հաղորդում է ներկայացվել ՀՀ ՆԳՆ ոստիկանության Արարատի մարզային վարչության Արարատի բաժին»,- նշված է հայտարարության մեջ:
