07.10.2026 | 12:10
Փաշինյանը՝ ադրբեջանցի զինվորին Բաքվին հանձնելու մասին // ՌԴ-ում ԱՄՆ դեսպանատունը տագնապ է տարածել․ ԼՈՒՐԵՐ
Ռումինիայում երկրորդ անգամ օդային հարձակման նախազգուշացում է հնչել
Քաղաքականություն
25.07.2024 | 22:46
Երկրորդ գիշերն անընդմեջ ռումինական Տուլչա բնակավայրում Դանուբի կողմից օդային հարձակման նախազգուշացում է հայտարարվել՝ կապված գետի հակառակ կողմից ուկրաինական նավահանգիստների վրա ռուսական օդային հերթական հարձակման հետ։ Այս մասին հայտնում է ռումինական Digi24 լրատվականը։
Հուլիսի 24-ի լույս 25-ի գիշերը՝ ժամը 01:20-ի սահմաններում, Ռումինիայի Դանուբի ափին գտնվող համայնքների բնակիչները կրկին ծանուցվել են բեկորների հնարավոր անկման մասին, գրում է Korrespondent-ը։
«Մեր երկրի տարածքը ռուսական հարձակումների թիրախ չէ, այդ հաղորդագրությունները բնակչությանը տեղեկացնելու համար են, որ ոչնչացված անօդաչու թռչող սարքերից բեկորներ կարող են ընկնել Ռումինիայի տարածքում», – նշել է երկրի արտակարգ իրավիճակների ծառայությունը։
Օրվա սկզբից մինչև ժամը 01:30-ն ընկած ժամանակահատվածում Ուկրաինայի ռազմաօդային ուժերը հայտնել են Իզմայիլի, Ռենի և Վիլկովի ուղղությամբ ռուսական ԱԹՍ-ների շարժի մասին։
