23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
ԱՄՆ-ն ու Թուրքիան դեմ են, որ Բաշար Ասադն Իդլիբում ռազմական գործողություններ սկսի
Քաղաքականություն
05.09.2018 | 12:29
Սեպտեմբերի 4-ին Թուրքիայի արտգործնախարար Մևլութ Չավուշօղլուի և ԱՄՆ-ի պետքարտուղար Մայք Պոմպեոյի միջև տեղի է ունեցել հեռախոսազրույց։ Կողմերը քննարկել են թուրք-ամերիկյան լարված հարաբերությունները և Սիրիայում (Իդլիբ, Մանբիչ) ստեղծված լարված իրավիճակը. փոխանցում է ermenihaber-ը:
ԱՄՆ-ի պետքարտուղարության խոսնակը արտգործնախարարաների հեռախոսազրույցի վերաբերյալ գրավոր հայտարարություն է տարածել.
«Պետքարտուղար Պոմպեոն և Թուրքիայի արտգործնախարար Մևլութ Չավուշօղլուն համակարծիք են, որ անընդունելի է Սիրիայի կառավարական ուժերի կողմից ցանկացած ռազմական գործողություն Իդլիբում: Դա անիմաստ կթեժացնի առանց այդ էլ Սիրիայում տիրող լարվածությունը։ Պոմպեոն կարևորել է Թուրքիայում կալանավորված ամերիկացի հոգևորական Էնդրյու Բրանսոնի ազատ արձակումը։ Պետքարտուղարը և արտգործնախարարը համաձայնության են եկել շարունակել բանակցությունները ընդհանուր խնդիրների և մտահոգությունների վերաբերյալ»։
Ավելի վաղ հայտնի էր դարձել, որ Սիրիայի կառավարական ուժերը պատրաստվում են ռազմական գործողություն սկսել Իդլիբում տեղի ահաբեկիչների դեմ։
Հիշեցնենք, որ թուրք-ամերիկյան հարաբերությունները լարվեցին այն բանից հետո, երբ Թուրքիայի իշխանությունները հրաժարվեցին ազատ արձակել Բրանսոնին, ում մեղադրում են լրտեսության և Թուրքիայում ահաբեկչական համարվող կառույցների հետ կապ ունենալու մեջ։
