07.11.2026 | 16:24
TRIPP-ը անձամբ Թրամփի անձնական պրոյեկտը չի, այն բիզնես պրոյեկտ է, խնդիր չենք ունենա.Սիմոնյան. ՏԵՍԱՆՅՈՒԹ
Եթովպիայում սողանքներն ավելի քան 200 մարդու կյանք են խլել
Քաղաքականություն
24.07.2024 | 22:54
Եթովպիայի հեռավոր շրջաններից մեկում հորդառատ անձրևների հետևանքով առաջացած սողանքների հետևանքով զոհվել է առնվազն 229 մարդ, այդ թվում՝ փրկարարներ: Այս մասին հայտնում է Associated Press-ը՝ տեղական իշխանություններին հղումով։
Ողբերգությունը տեղի է ունեցել երկրի հարավ-արևմուտքում։ Շաբաթվա սկզբին հաղորդվում էր, որ սողանքների հետևանքով զոհվել է 55 մարդ, սակայն ավելի ուշ զոհերի թիվը կտրուկ աճել է։ Տեղի իշխանությունները հայտնում են, որ Գոֆա շրջանում որոնողափրկարարական աշխատանքները շարունակվում են: Դաշնային աշխատանքային խումբ է ուղարկվել աղետի գոտի՝ օգնելու որոնողափրկարարական աշխատանքներին, գրում է VOA-ն:
Դեռ պարզ չէ, թե քանի մարդ է անհետ կորած։ Նրանց թվում կան փրկարարներ, որոնք փնտրում էին կիրակի օրը տեղի ունեցած սողանքից ողջ մնացածներին։ Երկուշաբթի օրը որոնողափրկարարական աշխատանքների ընթացքում տեղի է ունեցել հերթական սողանքը, որը հոսել է փրկարարական ջոկատի վրա։
Արևելյան Աֆրիկայում և մասնավորապես Եթովպիայում անձրևների սեզոնին սողանքները սովորական երևույթ են: Ապրիլին Քենիայում առնվազն 45 մարդ զոհվեց ջրհեղեղի և սողանքների հետևանքով։
