24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
ԵՐԵՎԱՆԻ ԺԱՄԱՆԱԿՈՎ. «Թող 100 հազար մարդ դուրս գա փողոց, ես իշխանափոխություն անեմ». Եղիշե Պետրոսյան
Հաղորդաշարեր
11.07.2017 | 19:00
«Իշխանություններին առայժմ հաջողվում է ճնշել հանրության ընդվզման ալիքը, բայց վերացնել այն չեն կարող». նման կարծիք է հայտնում երաժիշտ, երգահան Եղիշե Պետրոսյանը՝ Factor TV-ի «Երևանի ժամանակով» զրուցաշարի շրջանակում:
Նա նշում է, որ չի հավատում ՀՀ նախագահ Սերժ Սարգսյանի այն հայտարարությանը, թե «Պատերազմի նոր փուլ ենք հայտարարում անարդարությանը»: «Եթե ցանկություն ունեն անարդարության վերջը տալու, դրա համար ընդամենը երկու շաբաթ ժամանակ է պետք»,- ասում է երգահանը:
Անդրադառնալով «Սասնա ծռերի» անդամներին ոստիկանների կողմից դատարանի նկուղում դաժան ծեծելու փաստին, Եղիշե Պետրոսյանն այն որակում է ցինիկ, լկտի գործելաոճ: «Երևի թե ուզում էին կրքեր բորբոքել, որ շարժում սկսվեր, ծաղկաքաղ անեին, առաջնորդներին փակեին, որ 2018-ը հաղթական անցնեին»,- նկատում է մեր զրուցակիցը:
Նա կարծիք է հայտնում, որ Հայաստանում հնարավոր է խաղաղ ճանապարհով իշխանափոխություն անել: «Թող 100 հազար մարդ դուրս գա փողոց, ես իշխանափոխություն անեմ»,- ասում է նա:
Երգահանն անկեղծանում է նաև «Հաց բերող» Արթուր Սարգսյանի մահվանից հետո նրա հարազատների հետ ունեցած տարաձայնությունների վերաբերյալ: «Չի բացառվում, որ ինչ-որ մարդիկ սադրեցին, որ մեր հարաբերությունները վատանան, դա կարող էր արվել միայն իշխանությունների կողմից»,- պնդում է նա:
Մանրամասները՝ Factor.am-ի տեսանյութում:
Աննա Բաբաջանյան
