09.09.2026 | 12:03
ՌԴ-ն հարվածել է Ուկրաինա-Մոլդովա սահմանի անցակետին․ երկու մարդ զոհվել է
ԱՄՆ-ն կոչ է անում Ադրբեջանի իշխանություններին ազատ արձակել բոլոր անարդարացի ձերբակալվածներին
Քաղաքականություն
23.07.2024 | 23:09
Ադրբեջանի մամուլի ազգային օրվա կապակցությամբ մենք երախտիքի տուրք ենք մատուցում այս երկրի լրագրողներին և վերահաստատում ենք կենսունակ, անկախ լրատվամիջոցների կարևորությունը գործող ժողովրդավարության համար: Այս մասին ասվում է Բաքվում ԱՄՆ դեսպանատան տարածած հաղորդագրության մեջ։
Նշվում է, որ ԱՄՆ կառավարությունը հանձնառու է աջակցել պրոֆեսիոնալ լրագրության առաջընթացին ողջ աշխարհում վերապատրաստման, կրթական և փոխանակման ծրագրերով:
«Մենք շարունակում ենք կոչ անել Ադրբեջանին պահպանել իր մարդու իրավունքների միջազգային պարտավորություններն ու հանձնառությունները և ազատ արձակել բոլոր անարդարացիորեն ձերբակալվածներին»,- ասվում է հայտարարության մեջ։
Նշենք, որ նախորդ տարվա վերջին ամիսներից Ադրբեջանում մաքսանենգության մեղադրանքով ձերբակալվել են տարբեր լրատվամիջոցներ ներկայացնող երկու տասնյակից ավելի լրագրողներ, ընդդիմադիր գործիչներ ու քաղաքական ակտիվիստներ։ ԱՄՆ-ն և ԵՄ-ն պարբերաբար կոչ են անում Ադրբեջանի իշխանություններին վերջ տալ երկրում բռնաճնշումների ալիքին և ազատ արձակել անարդարացի բանտարկվածներին։
