06.10.2026 | 14:23
Ռաֆինյան երկարաձգել է «Բարսելոնայի» հետ պայմանագիրը. Աղբյուր
Բայրամովը հայտարարել է, թե «սադրանքները Հայաստանին լավ բան չեն խոստանում»
Քաղաքականություն
22.07.2024 | 11:30
Ադրբեջանի ԱԳ նախարար Ջեյհուն Բայրամովը հայտարարել է, թե «սադրանքները» որևէ լավ բան չեն խոստանում Հայաստանին։ Ադրբեջանական լրատվամիջոցների հաղորդմամբ՝ այս մասին նա ասել է՝ մեկնաբանելով «Հայաստանի ԶՈՒ-ի կողմից հրադադարի ռեժիմը խախտումը», որը ՀՀ ՊՆ-ն հերքել էր։
«Կարծում եմ, որ սա անընդունելի է, վերջին ամիսներին մենք նկատում ենք կայուն իրավիճակ երկու երկրների սահմանին։ Աշխատանքներ են տարվում հարաբերությունների կարգավորման ուղղությամբ։ Ապրիլից սկսած մենք տեսել ենք սահմանազատման աշխատանքների դրական արդյունքներ։ Եթե հայկական կողմը ցանկանում է առաջընթաց կարգավորման ու խաղաղության համաձայնագրի հարցերում, նա պետք է խուսափի սադրանքներից։ Ադրբեջանի զինված ուժերը սահմանի ամբողջ երկայնքով լիակատար առավելություն ունեն»,-ասել է Բայրամովը։
Ավելի վաղ ՀՀ ՊՆ-ն հայտարարել էր, որ Ադրբեջանի ՊՆ հաղորդագրությունը, թե հուլիսի 20-ին ժամը 22։10-ին ՀՀ ԶՈՒ ստորաբաժանումները կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։
