03.08.2026 | 12:36
«Ռուբինյանի՝ մարտի 1-ին կալանավորված հայրն անմեղ էր. այո՛, պարոն Քոչարյան, այդպես զարմացած մի նայեք»․ ՏԵՍԱՆՅՈՒԹ
«Էյր Արաբիա»-ն դիմում է արբիտրաժային դատարան՝ ՀՀ-ից փոխհատուցում ստանալու համար
Տնտեսություն
19.07.2024 | 21:20
Արաբական Միացյալ Էմիրությունների բյուջետային «Էյր Արաբիա» ավիաընկերությունը պատրաստվում է արբիտրաժ սկսել Հայաստանի դեմ՝ «Ֆլայ Արնա»-ի ձախողված գործարքի պատճառով։ Այս մասին Factor.am-ը տեղեկանում է GAR հարթակից, որը հրապարակում է նորություններ արբիտրաժային թեմաներով։
Այս տեղեկությունը Factor.am-ին հասանելի էր դարձել շուրջ մեկ ամիս առաջ, սակայն, «Էյր Արաբիա» ավիաընկերությունից այդ ժամանակ ձեռնպահ էին մնացել մեր գրավոր հարցերին հստակ պատասխաներ տրամադրելուց։
Հիշեցնենք՝ ՀՀ կառավարությունն ու «Էյր Արաբիա»-ն 2021 թվականին ստեղծեցին «Հայկական ազգային ավիաուղիներ» ՓԲԸ՝«Ֆլայ Արնա» բրենդով, որը համարվում էր ազգային փոխադրող։ Ընկերության 49 %-ը պատկանում է «Հայաստանի պետական հետաքրքրությունների ֆոնդ» ՓԲԸ-ին։
Հետքն ավելի վաղ տեղեկացրել էր, որ «Հայկական ազգային ավիաուղիներ» ՓԲԸ-ն, որն առավել հայտնի է «Ֆլայ Արնա» անունով, հունվարի 16-ից թռիչքներ չի իրականացնում:
Factor.am-ը հղում անելով ՀՀ կառավարության նախագծերից մեկին, որն ընդունվել էր չզեկուցվող ռեժիմով հայտնել էր, որ գործադիրը լուծարում է «Հայաստանի պետական հետաքրքրությունների ֆոնդ» ՓԲԸ-ն։
