19.12.2025 | 20:49
Ստամբուլի մոտակայքում ռուսական ԱԹՍ է կործանվել
«Զվարթնոց» օդանավակայանում որոշ ավիաընկերությունների մոտ խափանումներ են եղել․ մամուլի խոսնակ
Հասարակություն
19.07.2024 | 13:32
Գլոբալ խափանումների ֆոնին՝ «Զվարթնոց» օդանավակայանում ևս որոշ ավիաընկերությունների մոտ խափանումեր են եղել, հետևաբար, նաև չվերթների ուշացումներ են գրանցվել, այս մասին Factor.am-ին հայտնեց «Զվարթնոց» օդանավակայանի մամուլի խոսնակ Լուսինե Մողրովյանը։
Նրա խոսքով՝ ներկա պահին խնդիրը մասամբ կարգավորվել է։ Իսկ թե որ ավիաընկերությունների մոտ են խափանումներ գրանցվել, օդանավակայանի խոսնակը չհստակեցրեց։
Հիշեցնենք, որ BBC-ի ռուսական ծառայության փոխանցմամբ, ամբողջ աշխարհից տեղեկություններ են ստացվում ավիաընկերությունների, բանկերի և առաջատար լրատվամիջոցների շահագործման համար օգտագործվող համակարգչային համակարգերի համատարած խափանումների մասին։
Ըստ լրատվամիջոցի՝ ծրագրային անսարքությունների պատճառով ավիաընկերությունները և օդանավակայանները զանգվածաբար չեղարկում են թռիչքները, իսկ արդեն իսկ թռիչքի մեջ գտնվողները արտակարգ վայրէջքի համար տեղ են փնտրում։
ՏՏ համակարգերի աշխատանքի մասսայական խափանումների պատճառները դեռ պարզված չեն, սակայն, Microsoft-ը հայտարարել է, որ միջոցներ է ձեռնարկում հետևանքները մեղմելու համար։
Microsoft-ի տվյալներով՝ ՏՏ համակարգերում առաջին խափանումները սկսվել են նախօրեին՝ հինգշաբթի օրը, արևելյան ժամանակով 18:00-ի սահմաններում (22:00 GMT):
