07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Մխիթար Հայրապետյանն այցելել է «BostonGene Techologies» ընկերություն
Տնտեսություն
19.07.2024 | 09:48
ՀՀ բարձր տեխնոլոգիական արդյունաբերության նախարար Մխիթար Հայրապետյանը փոխնախարար Ռուբեն Սիմոնյանի ուղեկցությամբ հուլիսի 17-ին այցելել է «BostonGene Techologies» ընկերություն: Իր այցի ընթացքում նախարար Հայրապետյանին ընդունել են ընկերության տնօրեն Դավիթ Հարությունյանը և այլ աշխատակիցներ․ տեղեկացնում են ՀՀ ԲՏԱ նախարարությունից։
Չնայած BostonGene-ի կենտրոնակայանը ԱՄՆ-ում է, ընկերությունը հպարտությամբ աջակցում է Հայաստանում իր գիտատեխնոլոգիական թիմի մեծ մասին: Նախարարը շրջել է ընկերությանում՝ պատկերացում կազմելու BostonGene նորարարական տեխնոլոգիաների և ապագայի վերաբերյալ նրանց տեսլականի մասին:
Այցի ընթացքում նախարար Հայրապետյանը և BostonGene-ի թիմը քննարկել են ընկերության հնարավոր ներդրումը կրթության ոլորտում: Նախարարը հայտնել է ՀՀ բարձր տեխնոլոգիական արդյունաբերության նախարարության լիակատար աջակցությունը BostonGene-ի նախաձեռնություններին կրթական ոլորտում, առաջարկել ոչ ֆորմալ կրթական մեթոդներ ներդնելուց զատ, համագործակցել նաև բուհերի հետ՝ համատեղ մագիստրոսական կրթական ծրագիր իրականացնելով:
Բացի այդ, աշխատակիցները խոսել են ներկայումս ընկերության առջև ծառացած մի քանի խնդիրներից, ինչպես նաև հնարավոր լուծումներից և նախարարությունից ակնկալվող աջակցությունից: Նախարարն իր հերթին հավաստիացրել է BostonGene-ին, որ հարցերը կլինեն նախարարության ուշադրության կետրոնում և հնարավորության պարագայում լուծում կստանան:
Քննարկման կարևոր թեմա է դարձել ոլորտի աջակցության մասին օրենքի նոր նախագիծը, որը ներկայումս ավարտման փուլում է: Երկու կողմերն էլ կառուցողական երկխոսություն են վարել այն մասին, թե ինչպես այս օրենքը կարող է էլ ավելի ամրապնդել ոլորտը և բավարարել BostonGene ընկերության նման այլ ընկերությունների կարիքները:
Մխիթար Հայրապետյանը վերահաստատել է նախարարության հանձնառությունը՝ բարձր տեխնոլոգիական ընկերությունների համար բարենպաստ միջավայր ստեղծելու և Հայաստանը նորարարությունների կենտրոն դարձնելու հարցում:
BostonGene-ը կենսաբժշկական ոլորտի ծրագրային ապահովման մշակման առաջատար ընկերություններից է, ուսումնասիրում է քաղցկեղը և արհեստական բանականության միջոցով կլինիկական մոդուլավորում է իրականացնում՝ մշակելով անհատական բուժման մեթոդը: Ի դեպ, ամերիկյան այս ընկերության միայն Հայաստանի մասնաճյուղի շուրջ 500 աշխատակցի 25 տոկոսը հայ է, ընկերությունն, իր հերթին, ձեռնարկում է տարբեր քայլեր նոր հայ մասնագետներ ներգրավելու համար:
