06.08.2026 | 15:39
Նոր քրեական գործ՝ Ծառուկյանի ու Առուստամյանի նկատմամբ․ ըստ ՔԿ-ի, 2,5 մլն դոլարի գույք է հափշտակվել
Ադրբեջանում պետական դավաճանության մեղադրանքով նավատորմի կապիտանին 16 տարվա ազատազրկման են դատապարտել
Քաղաքականություն
15.07.2024 | 23:00
Բաքվի ծանր հանցագործությունների դատարանն ավարտել է պետական դավաճանության մեջ մեղադրվող Կասպյան նավթային նավատորմի 42-ամյա կապիտան Զաիր Ասկերովի դատավարությունը, գրում են տեղական լրատվամիջոցները։
Ասկերովը դատապարտվել է 16 տարվա ազատազրկման, պատիժը կրելու է խիստ անվտանգության ուղղիչ գաղութում։ Նա կալանավորվել էր Պետական անվտանգության ծառայության կողմից։
Մեղադրական եզրակացության համաձայն՝ Զաիր Ասկերովը հավաքագրվել է օտարերկրյա պետության հետախուզական ծառայությունների ներկայացուցիչների կողմից։ Նա տեղեկություններ է հավաքել Ադրբեջանում գործող օտարերկրյա պետությունների ներկայացուցչությունների, Կասպից ծովում ռազմածովային զորավարժությունների տեղի և ժամանակի, ինչպես նաև նավթային հարթակներ տեղափոխվող բեռների մասին՝ նպատակ ունենալով վնասել երկրի ինքնիշխանությանը և պաշտպանունակությանը։
Հաղորդվում է նաև, որ Ասկերովը նշված տեղեկությունը փոխանցել է բջջային հեռախոսով, ինչպես նաև ուղղակիորեն իր կուրատորների հետ հանդիպումների ժամանակ, ինչը որակվում է որպես պետական դավաճանություն։
