21.01.2026 | 23:30
Ինչ իրավիճակ է Հայաստանի ճանապարհներին և Լարսում
Խաղողի մթերման հարցը քննարկվում է Կառավարությունում
Տնտեսություն
04.09.2018 | 12:41
Արմավիրի մարզի խաղողագործները այսօր առավոտից փակել են Արմավիր-Երևան ճանապարհը և պահանջում են բարձրացնել խաղողի մթերման գինը․ նրանք պնդում են՝ ճանապարհը փակ կպահեն այնքան ժամանակ, քանի դեռ պատկան մարմիններից չեն ստացել իրենց հարցի պատասխանը։
Factor.am-ը Գյուղատնտեսության նախարարությունից փորձեց պարզել, արդյոք նախարար Արթուր Խաչատրյանը փորձելու է հանդիպել Արմավիրի մարզում բողոքի ակցիա կազմակերպած խաղաղագործներին։
Ի պատասխան նախարարի մամուլի խոսնակ Գայանե Մանուկյանը նշեց․ «Օրեր առաջ էր նախատեսվել փոխվարչապետի մոտ քննարկում խաղողի մթերման գնի հետ կապված։ Մթերող ընկերությունները նախապես գիտեին, որ այսօրվա հանդիպման ընթաքում քննարկելու են խաղողի մթերման հարցերը։ Օրակարգը սահմանված է եղել վաղուց, իսկ այսօր այդ քննարկմանը Կառավարությունում մասնակում է գյուղատնտեսության նախարար Արթուր Խաչատրյանը։ Արդյունքների մասին Գյուղատնտեսության նախարարությունը կտեղեկացնի ավելի ուշ»,- ասաց Մանուկյանը։
Հարցին՝ իսկ Գյուղատնտեսության նախարարությունից նախարարի տեղակալների մակարդակով արդյոք կփորձեն հանդիպում կազմակերպել ճանապարհը փակած խաղողագործների հետ, Գայանե Մանուկյանը պատասխանեց. «Չեմ բացառում, դա կախված է Կառավարությունում ընթացող քննարկման արդյունքներից»։
