Հասարակություն
04.09.2018 | 11:57
Ամուլսարը գալիս է Երևան՝ պայթեցնելու հանքի ու ընդհանրապես բոլոր հանքերի հետ կապված միֆերն ու վախերը. այս մասին հաղորդագրություն է տարածել Հայկական բնապահպանական ճակատը:
Արբիտրաժային դատարաններ, ներդրողների հեռացում, միջազգային չափանիշներ… այս ամենով սպառնում են ՀՀ քաղաքացիներին և կառավարությանը՝ փորձելով ստիպել զիջել մեր և գալիք սերունդների առողջ կյանքը Երկիր մոլորակի այս հատվածում:
Ովքեր կուզեին ծանոթանալ միֆերին ու դրանք ցրող բարի ոգիներին, միացեք ակցիային։ Այս ակցիայի նպատակն է բացահայտել ու պայթեցնել մեզ վախեցնելու համար փչված այդ միֆերը և խրախուսել ՀՀ կառավարությանը վերջնականապես հաստատել ժողովրդի կամքի ու արդարության վրա հիմնված որոշում:
Միջոցառմանը մասնակցելու են հեծանվորդներ, երաժիշտներ, երեխաներ, թիթեռներ ու բզեզներ, դու՛ք էլ եկեք։
Օրը՝ հինգշաբթի, 6 սեպտեմբերի, 2018թ․։ Վայրը՝ Հանրապետության հրապարակ։
Ժամը՝ 11։00-14։00
