26.06.2026 | 17:49
ՌԴ-ն և Ուկրաինան գերիների են փոխանակել 160-ը 160-ի դիմաց
Հայ-իրանական սահմանին Իրանի քաղաքացուն ծեծելու դեպքի առթիվ նախաձեռնվել է քրեական վարույթ․ ՀՀ ՔԿ
Հասարակություն
13.07.2024 | 16:22
Հայ-իրանական սահմանային անցակետում Իրանի քաղաքացուն ծեծի ենթարկելու դեպքի առթիվ ՀՀ քննչական կոմիտեի Սյունիքի մարզային քննչական վարչությունում ՀՀ քրեական օրենսգրքի 195-րդ հոդվածի 1-ին մասի հատկանիշներով նախաձեռնվել է քրեական վարույթ։
«Արմենպրես»-ի թղթակցի հետ զրույցում այս մասին հայտնեԼ է Քննչական կոմիտեի մամուլի խոսնակ Գոռ Աբրահամյանը։
«ԻԻՀ քաղաքացին ճանաչվել է տուժող և հարցաքննվել, որի ընթացքում նշել է, որ բողոք չունի։ Կատարվում են անհրաժեշտ քննչական, վարութային այլ գործողություններ` հանգամանքները պարզելու ուղղությամբ»,- նշել է ՔԿ-ի խոսնակը՝ հավելելով, որ նշանակված դատաբժշկական փորձաքննության արդյունքում պարզվել է, որ անձը եղել է ալկոհոլ օգտագործած վիճակում։
Ավելի վաղ, ՆԳՆ մամուլի խոսնակ Նարեկ Սարգսյանը հայտնել էր, որ տեղի ունեցած դեպքի օրը ՆԳՆ ոստիկանության Մեղրիի բաժնի ծառայողների միջոցառումներով պարզվել է մարմնական վնասվածք պատճառած անձի ինքնությունը։
«Ագարակի 25-ամյա բնակիչը իրավապահների բացատրական աշխատանքի շնորհիվ ներկայացել է ոստիկանություն և խոստովանել կատարածը։ Նա և փաստաթղթերն ուղարկվել են ՔԿ Սյունիքի մարզային քննչական վարչություն»,- մանրամասնել էր Նարեկ Սարգսյանը։
