22.02.2026 | 13:09
Երևանում սպասվում են տեղումներ՝ ձնախառն անձրևի և անձրևի տեսքով
Բաքվում ընթանում է Արցախից գերեվարված Ռաշիդ Բելգլարյանի շինծու դատավարությունը
Քաղաքականություն
12.07.2024 | 11:54
Բաքվում ընթանում է 2023 թվականի օգոստոսի 1-ին Արցախում մոլորված և ադրբեջանցիների կողմից ձերբակալված Ռաշիդ Բեգլարյանի շինծու գործով դատական նիստը։ Նրան մեղադրում են, իբր, «Խոջալուի ցեղասպանության» իրականացման մեջ։
Ադրբեջանական լրատվամիջոցները գրում են, որ Սաբունչիի շրջանային դատարանում մեկնարկել է դատավարությունը՝ Ֆիզուլիի ռազմական դատարանի դատավոր Ալի Սուլեյմանովի նախագահությամբ։
Նախորդ նիստը տեղի էր ուեցել հունիսի 7-ին։
Հիշեցնենք, որ Արցախի Հանրապետության քաղաքացի Ռաշիդ Բեգլարյանը 2023 թվականի օգոստոսի 1-ին Շուշիի շրջանի Հին Շեն գյուղից դուրս էր եկել և մոլորվելու հետևանքով հայտնվել Ադրբեջանի վերահսկողության տակ գտնվող տարածքում։ Ադրբեջանցի սահմանապահները նրան ձերբակալել էին։
Ադրբեջանի Պետական անվտանգության ծառայությունը հայտարարել էր, թե «քննչական գործողությունների ընթացքում Ռաշիդ Բեգլարյանը մանրամասն տեղեկություններ է հաղորդել կատարված հանցագործությունների մասին՝ հստակ նշելով այն վայրերը, որտեղ հանցավոր գործողություններ են կատարվել խաղաղ բնակչության նկատմամբ»։ Ըստ հաղորդագրության՝ նա մեղադրվում է, իբր, Ստեփանակերտի թիվ 3 մանկական հիվանդանոցում պահվող «գերեվարված ադրբեջանցիներին խոշտանգելու, ինչպես նաև խաղաղության և մարդկության դեմ հանցագործությունների, պատերազմական հանցագործությունների, անօրինական զինված կազմավորումների գործունեությանը մասնակցելու համար»:
Էմմա Չոբանյան
