14.01.2026 | 17:08
Քաղաքականության մեջ Եկեղեցու ներգրավված լինելու մեղադրանքը անհիմն է ու անընդունելի․ Մայր Աթոռում ԳՀԽ նիստ է կայացել
Արմեն Աշոտյանը ևս 3 ամիս կմնա կալանքի տակ
Հասարակություն
11.07.2024 | 17:44
Հակակոռուպցիոն դատարանը՝ դատավոր Վահե Դոլմազյանի նախագահությամբ, որոշում կայացրեց 3 ամսով երկարացնել ՀՀԿ փոխնախագահ Արմեն Աշոտյանի խափանման միջոց կալանքը։ Փաստացի, դատարանը մերժեց պաշտպանական կողմի ներկայացրած միջնորդությունը խափանման միջոցը տնային կալանքով, 40 մլն դրամ գրավով և անձնական երաշխավորությունների փոխելու մասին։
Ավելի վաղ Արմեն Աշոտյանի պաշտպան Ռուբեն Մելիքյանը տեղեկացրել էր, որ ՀՀԿ նախկին փոխնախագահի համար երաշխավորելու են ՀՀ նախկին վարչապետ Խոսրով Հարությունյանն ու ԱԺ նախկին նախագահ Տիգրան Թորոսյանը:
Հիշեցնենք՝ Աշոտյանը և մյուսները մեղադրվում են «Երևանի Մխիթար Հերացու անվան պետական բժշկական համալսարան» հիմնադրամում կատարված կոռուպցիոն չարաշահումների, վստահված գույքի առանձնապես խոշոր չափերով հափշտակությունների և փողերի լվացման մեջ։ Սկզբում նրա նկատմամբ ընտրվել էր խափանման միջոց չհեռանալու արգելքը, սակայն ավելի ուշ Աշոտյանը ձերբակալվեց, ապա կալանավորվեց։ Ըստ վարույթն իրականացնող մարմնի՝ նա խախտել է խափանման միջոցի պայմանները: Դրանից հետո այդ մասով ներկայայացված բոլոր միջնորդությունները մերժվում էին։
