Քաղաքականություն
05.07.2024 | 12:02
Բրիտանիայում ոստիկանության կողմից փնտրվող ենթադրյալ վարձու մարդասպան կնոջը հայտաբերել են Հայաստանում, գրում է BBC-ն։ ՀՀ ոստիկանությունից հայտնել են, որ Էյմի Բետրոն բերման է ենթարկվել երեքշաբթի այն բանից հետո, երբ նրան հայտնաբերել են Երևանի ծայրամասում գտնվող բնակելի համալիրում։
Նա հետախուզվում է Վեսթ Միդլենդսի ոստիկանության կողմից՝ կապված 2019 թվականի սեպտեմբերին Բիրմինգհեմ նահանգի Սաութ Յարդլիում գտնվող իր տան մոտ գործարարի վրա կրակելու փորձից հետո: Սպանությունը պատվիրելու համար մեղավոր էին ճանաչվել Մոհամմեդ Ասլամը և Մոհամմեդ Նազիրը։ Ենթադրվում է, որ այս զույգն է վարձել է Բետրոյին, որը ծագումով ԱՄՆ-ի Վիսկոնսին նահանգից է։
Հայաստանի ոստիկանության հաղորդագրության մեջ նշվում է, որ կինը հայտնաբերվել և ձերբակալվել է Երևանի հյուսիս-արևմտյան ծայրամասում՝ Պռոշյան գյուղի Վանահովիտ թաղամասում։ Նաև նշվում է, որ կասկածյալը հետախուզվում է Մեծ Բրիտանիայի իրավապահների կողմից սպանություն կատարելու շուրջ նախնական համաձայնության և ապօրինի կերպով հրազեն պահելու մեղադրանքով։
