11.12.2024 | 22:21
Բելառուսից թոշակառուն դատապարտվել է 4 տարվա ազատազրկման՝ Լուկաշենկոյին և ոստիկանին վիրավորելու համար
Արաբկիրի թաղապետարանի պաշտոնյաների գործը վերաբերում է շենքերի շքամուտքերի բարեկարգման համար հատկացված գումարների յուրացման ու ինքնակամ կառույցներ չքանդելու դեպքերին
Հասարակություն
04.07.2024 | 17:30
Արաբկիրի թաղապետարանի պաշտոնյաների վերաբերյալ քրեական գործով քննության առարկա է ինքակամ կառույցները չքանդելու համար կաշառքի և շենքերի բարեկարգման համար հատկացվող գումարների յուրացման, փաստաղթղերի կեղծման ենթադրյալ հանգամանքներին: Այս մասին հայտնում են Երևանի քաղաքապետարանում Factor.am-ի աղբյուրները:
Ըստ քրեական գործի` շինարարական ընկերություններից մեկը պետք է զբաղվեր շենքի շքամուտքերի բարեկարգման աշխատանքներով, սակայն այդ աշխատանքները պատշաճ չեն կատարվել, հատկացվող գումարները յուրացվել են: Հենց այս գործընթացին է առնչվում նաև փաստաթղթերի կեղծման ենթադրյալ արարքը:
Իրավապահ համակարգում մեր աղբյուրները փոխանցում են, որ գործում առկա են նաև օպերատիվ հետախուզական միջոցառման արդյունքում ձեռք բերված տվյալներ, մասնավորպես` վարչական շրջանի ղեկավար Արամ Ազատյանի տեղյակալներից մեկի աշխատասենյակում իրականացվել է ներքին դիտում:
Հետաքրքրական է, որ Ազատյանի նկատմամբ որպես խափանման միջոց է ընտրվել տնային կալանքը և 30 մլն դրամ գրավը, իսկ նրա երկու տեղակալների նկատմամբ` կալանքը: Իրավապահ համակարգում մեր աղբյուրները հայտնում են նաև, որ Ազատյանը մեղադրանքը չի ընդունել, այն անհիմն է որակում:
Արաքս Մամուլյան
