22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
ՄԱԿ ՓԳՀ տարածաշրջանային ներկայացուցիչ Յոհաննես վան դեր Կլաաուն այցելել է Միգրացիոն ծառայություն
Քաղաքականություն
31.08.2018 | 19:48
ՄԱԿ փախստականների հարցերով գերագույն հանձնակատարի գրասենյակի (ՓԳՀ) Հարավային Կովկասի տարածաշրջանային ներկայացուցիչ Յոհաննես վան դեր Կլաաուն այսօր այցելեց Տարածքային զարգացման և կառավարման նախարարության միգրացիոն ծառայություն՝ ներկայացնելու ՄԱԿ ՓԳՀ հայաստանյան ներկայացուցչի առաքելությունն ստանձնած Աննա-Կարին Օստին:
ՄԾ պետ Արմեն Ղազարյանը ևս մեկ անգամ շնորհավորեց Աննա-Կարին Օստին պաշտոնավարման մեկնարկի կապակցությամբ, և կողմերը վերահաստատեցին բոլոր ընթացիկ համատեղ նախաձեռնությունները, քննարկեցին դրանց շարունակականությունն ու նոր լուծումներ առաջադրեցին:
«Մենք մեկ, միասնական ինտեգրման պետական քաղաքականության մշակման համար առաջարկել ենք միջգերատեսչական աշխատանքային խմբի ստեղծում, որում անշուշտ ՄԱԿ ՓԳՀ-ին տեսնում ենք՝ որպես ոլորտի առաջատար կառույց»,-ասաց Ա. Ղազարյանը՝ հույս հայտնելով, որ առաջարկի հաստատումը ՀՀ կառավարության կողմից չի ուշանա:
«Մենք կարևորում ենք պետական հատվածի նախաձեռնողականությունն ու լուծումներ փնտրելու հարցում նրանց ակտիվությունը. դա գրավում է նաև դոնորներին: Այդ տեսանկյունից ևս բարձր ենք գնահատում Միգրացիոն ծառայության գործունեությունը»,-նկատեց Յ. Կլաաուն՝ բերելով ինչպես խոշորամասշտաբ ծրագրերի, այնպես էլ փախստական ընտանիքների մասնավոր օրինակներ, որոնց խնդիրների լուծման գործում ընդգծեց ՄԾ-ի կառուցողական և համագործակցային գործելաոճը:
Կողմերը քննարկեցին Ադրբեջանի տարածքից բռնի տեղահանված փախստականների խնդիրներն ու դրանց լուծման գործում ՄԱԿ ՓՄԳ-ի դերը, ինչպես նաև բարձրաձայնեցին ապօրինի սահմանահատումների դեպքերի կարգավորումը և դրանք դիտարկեցին նաև ազգային անվտանգության համատեքստում:
