20.04.2026 | 14:31
Երևանում մեկնարկել է Plug and Play-ի ստարտափների աջակցության ծրագրի երրորդ փուլը
Եթե ԵՄ անդամ չդարձանք, ՀՀ-ին սպառնում է «արցախացում»․ ինչքա՛ն նվիրված էին ռուսներին, Բաքու գերի ընկան․ Ազատ Արշակյան․ ՏԵՍԱՆՅՈՒԹ
Քաղաքականություն
21.06.2024 | 19:00
Հասարակական գործիչ Ազատ Արշակյանը ԱԺ-ում լսումների ժամանակ առաջարկել է Եվրամիությանը Հայաստանի անդամակցության հարցով հանրաքվեն նշանակել և անցկացնել սեպտեմբերի 21-ին՝ անկախության օրը։ 2013-ին էլ ՀՀ-ն ուներ հնարավորություն՝ ԵՄ-ի հետ ստորագրել Ասոցացման համաձայնագիր, և այսօր Ուկրաինայի, Մոլդովայի պես սկսել անդամակցելու բանակցությունը։ Սեպտեմբերի 3-ին Սերժ Սարգսյանը նախընտրեց ՀՀ-ն մտցնել ԵՏՄ՝ անհնար դարձնելով ԵՄ-ի հետ ասոցացումը։ Հույս ունեին՝ ԼՂ-ի, ՀՀ-ի անվտանգության հարցում ՌԴ-ն կօգնի։ Բայց այսօր չկա ԼՂ-ը, ՀՀ տարածքները օկուպացված են, թեև ԵՏՄ-ի, ՀԱՊԿ-ի անդամ ենք։ Ի՞նչ եզրակացության գալ այս իրողությունից, և ինչո՞ւ գնալ ԵՄ-ին անդամակցելու ճանապարհով։
Ազատ Արշակյանը Factor TV-ի հետ զրույցում ասում է․ «Օկուպացված է հայկական պետությունը՝ ռուսների և թուրքերի կողմից, որը տեղի է ունեցել 100 տարի առաջ և շարունակվում է մինչև հիմա։ ԵՄ-ին անդամակցելը ազատագրում կլինի, ԵՄ-ն մեզ յուրային է համարում՝ հրավիրել է։ Այսօր գզվռտոց է գնում ՌԴ-ի և Արևմուտքի միջև մեր երկրի համար, բայց ասում էին՝ ՀՀ-ն ո՞ւմ է պետք, եթե ԵՄ-ին պետք չլինեինք, կմոռանային մեզ»,- նշեց պարոն Արշակյանը։
Նա ՀՀ-ի դեմ հանցագործություն է համարում 2013-ին եվրոասոցացումից հրաժարվելը և Ռուսաստանի գլխավորած ԵՏՄ-ին միանալու որոշումը։ Սակայն պնդում է, որ Հայաստանն այսօր ունի շանս՝ ուղղելու այդ սխալը և ԵՄ-ին անդամակցելու հայտ ներկայացնել։ Ըստ նրա՝ եթե Հայաստանը ԵՄ անդամ չդառնա, նրան սպասում է արցախացում, նկատի ունենալով՝ ադրբեջանական ագրեսիվ քաղաքականության զոհ դառնալ՝ լինելով ՌԴ-ի իբրև թե դաշնակիցը։
Հարցազրույցն ամբողջությամբ՝ տեսանյութում։
Ռոբերտ Անանյան
