07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Մոսկվան պատրաստ է նպաստել հայ-ադրբեջանական հարաբերությունների կարգավորմանը. Բաքվում ՌԴ դեսպան
21.06.2024 | 17:27
Մոսկվան պատրաստ է նպաստել հայ-ադրբեջանական հարաբերությունների կարգավորմանը և տարածաշրջանային «3+3» ձևաչափի առաջմղմանը։ Ադրբեջանական լրատվամիջոցների հաղորդմամբ՝ այս մասին հայտարարել է Բաքվում ՌԴ դեսպան Միխայիլ Եվդոկիմովը ռուս-ադրբեջանական փորձագիտական խորհրդի 5-րդ հանդիպման ժամանակ։
Նա նշել է, որ Ռուսաստանը շահագրգռված է Հարավային Կովկասի խաղաղությամբ և բարգավաճմամբ։
«Բացի այդ, կարևոր է լուծել Կասպից ծովի հարցերը: Եվ մենք համոզված ենք, որ արտաքին ուժերի միջամտությունն անընդունելի է։ Բոլոր հարցերը պետք է լուծվեն և կարող են լուծվել մեր տարածաշրջանի պետությունների կողմից»,- ասել է Եվդոկիմովը։
ՌԴ ԱԳՆ ԱՊՀ երկրների չորրորդ դեպարտամենտի փոխտնօրեն Միխայիլ Կալուգինն էլ ասել է, որ պատժամիջոցները չեն ազդում Ադրբեջանի և Ռուսաստանի հարաբերությունների վրա։
«Բաքվի և Մոսկվայի փոխգործակցությունը կախված չէ որևէ արտաքին իրավիճակից, քանի որ կողմերը նպատակ ունեն զարգացնել երկկողմ երկխոսությունը՝ առանց հաշվի առնելու այդ գրգռիչներին»,- նշել է Կալուգինը։
