11.08.2026 | 18:24
Ո՛չ տուշոնկա կար, ո՛չ կաթ կար վերջնական վճռի մեջ,ձեր սիրելի Մացոյի օրինական վճիռը կարդացեք․ Մանուկյան. ՏԵՍԱՆՅՈՒԹ
Թուրքիայում անտառային հրդեհների հետևանքով 5 զոհ և 44 վիրավոր կա․ ԼՈՒՍԱՆԿԱՐՆԵՐ
Քաղաքականություն
21.06.2024 | 13:27
Թուրքիայում Դիարբեքիր և Մարդինի շրջանների միջև նախօրեին հրդեհ է բռնկվել, որը հաջողվել է վերահսկողության տակ վերցնել AFAD-ի (Անտառների կառավարման վարչության) հրշեջ բրիգադի, 112 շտապօգնության, ժանդարմերիայի խմբերի և Դիարբեքիրից քաղաքացիների ջանքերի շնորհիվ, գրում են թուրքական լրատվամիջոցները։
Ներքին գործերի նախարար Ալի Երլիքայան հրդեհի մասին տեղեկություն է հայտնել սոցցանցում գրառմամբ։ Նա հայտնել է, որ Դիարբեքիրում 3, Մարդինում՝ 2 քաղաքացի հրդեհի զոհ են դարձել։
«Դիարբեքիր նահանգի Չընար շրջանի Քյոքսալան գյուղական շրջանում ժամը 22:15-ին բռնկված հրդեհը քամու ազդեցությամբ ընդգրկել է Յազչիչի, Բաղրըք և Աղաչսևեր թաղամասերը, շարունակվել է դեպի Յուջեբաղ, Շենյուվա և Եթքինլեր թաղամասեր։ Այն նաև առաջ է շարժվել դեպի Մարդինի Մազըդաղը շրջանի Յուջեբաղ, Շենյուվա և Եթքինլեր թաղամասեր, սակայն մեր թիմերի և քաղաքացիների քրտնաջան աշխատանքի արդյունքում ամբողջությամբ վերցվել է վերահսկողության տակ։ Ցավոք, հրդեհի հետևանքով զոհվել են Դիարբեքիրում գտնվող մեր 3 և Մարդինի 2 քաղաքացիներ, իսկ վիրավորների բուժումը շարունակվում է»,- գրել է ներքին գործերի նախարարը։
Առողջապահության նախարար Ֆահրեթին Քոջան էլ հայտնել է, որ հրդեհի հետևանքով զոհվել է 5 մարդ, տուժել՝ 44-ը, որոնցից 10-ը ծանր վիճակում են։
Էմմա Չոբանյան
