Քաղաքականություն
20.06.2024 | 23:18
Կոլումբիայի թմրամիջոցների դեմ պայքարի բաժնի (DIRAN) տվյալներով՝ մայիսին Կոլումբիայից Թուրքիա ուղևորվող կամ թուրքական նավահանգիստներում ավելի քան կես տոննա կոկաին է առգրավվել։ 2020 թվականից ի վեր հարավամերիկյան այս երկրում առգրավվել է Թուրքիայի համար նախատեսված ավելի քան վեց տոննա կոկաին, գրում են թուրքական լրատվամիջոցները։
Թուրքական ոստիկանությունը վերջին շաբաթների ընթացքում Գեմլիք նավահանգստում առգրավել է Կոլումբիայից բեռնված 373 կիլոգրամ կոկաին, մինչդեռ թմրանյութերի դեմ պայքարի կոլումբիական թիմերը հայտնաբերել են 151,2 կիլոգրամ կոկաին, որը նախատեսված է եղել Ստամբուլ ուղարկելու համար։
Կոլումբիայի ոստիկանությունը կարևորել է նաև 2020 թվականին Բուենավենտուրա նավահանգստում Թուրքիայի համար նախատեսված ավելի քան 4,9 տոննա կոկաինի առգրավումը։
Փորձագետները նշում են, որ նման ծավալի բեռներ, հավանաբար, ուղարկվում են մեկից ավելի հանցավոր կազմակերպությունների կողմից, և որ Թուրքիայի կարևորությունը Եվրոպա, Կովկաս և Մերձավոր Արևելք կոկաին մատակարարելու հարցում վերջին տարիներին մեծացել է:
