Քաղաքականություն
19.06.2024 | 22:37
Իսրայելական ուժերը, հնարավոր է, բազմիցս խախտել են պատերազմի օրենքների հիմնարար սկզբունքները և Գազայի հատվածում ռազմական արշավում չեն կարողացել տարբերակել քաղաքացիական անձանց ու զինվորներին։ Այս մասին հայտարարել է ՄԱԿ-ի մարդու իրավունքների գրասենյակը, գրում է France 24-ը։
Զեկույցում, որը գնահատում է իսրայելական վեց հարձակումները, որոնք հանգեցրել են մեծ թվով զոհերի և քաղաքացիական ենթակառուցվածքների ոչնչացման, ՄԱԿ-ի մարդու իրավունքների գրասենյակը նշում է, որ իսրայելական ուժերը, հնարավոր է, «համակարգված կերպով խախտել են տարբերակման, համաչափության և հարձակման նախազգուշական միջոցների սկզբունքները»:
«Պատերազմի այնպիսի միջոցներ և մեթոդներ ընտրելու պահանջը, որով խուսափում կամ նվազագույնի է հասցվում քաղաքացիական վնասը, ըստ երևույթին, հետևողականորեն խախտվել է Իսրայելի ռմբակոծությունների ժամանակ»,- ասել է ՄԱԿ-ի Մարդու իրավունքների գերագույն հանձնակատար Վոլքեր Թյուրկը:
