11.01.2025 | 18:00
Հայաստանի էներգետիկ անվտանգության գլխին կախված Դամոկլյան սուրը
ԱՄՆ դաշնային բյուջեի դեֆիցիտը կավելանա 400 մլրդ դոլարով
Քաղաքականություն
19.06.2024 | 22:10
Կոնգրեսի բյուջետային գրասենյակը կանխատեսում է, որ դաշնային բյուջեի դեֆիցիտն այս տարի կավելանա 400 միլիարդ դոլարով: Սա փետրվարին հրապարակված նախնական գնահատականից ավելի է 27%-ով, գրում է VOA-ն:
Հիմնական պատճառներից մեկը ծախսերի ավելացումն է՝ կապված ապրիլին լրացուցիչ ծախսերի փաթեթի ընդունման հետ, որը ներառում էր ռազմական օգնություն Ուկրաինային և Իսրայելին։
Ուսանողական վարկի մարման սպասվածից բարձր ծախսերը և Medicare-ի ավելի բարձր ծախսերը նույնպես նպաստել են դրան: Բացի այդ, Ավանդների ապահովագրման դաշնային կորպորացիան (FDIC) դեռևս չի վերադարձրել այն վճարումները, որոնք պետք է կատարեր 2023-2024 թվականների բանկային ճգնաժամից հետո:
Զեկույցը նաև նախատեսում է, որ երկրի պետական պարտքը 2024 թվականի վերջին ՀՆԱ-ի 99%-ից մինչև 2034 թվականի վերջը կհասնի ՀՆԱ-ի 124%-ի (ԱՄՆ պատմության մեջ ջամենաբարձր մակարդակը):
«Այնուհետև այն կշարունակի աճել»,- ասվում է զեկույցում:
Առաջիկա տարիներին դեֆիցիտը մարտահրավեր կդառնա օրենսդիրների համար՝ կապված ընդհանուր պարտքի սպասարկման բեռի և բնակչության ծերացման հետ, ինչը մեծացնում է կենսաթոշակային և առողջապահական ընդհանուր ծախսերը:
Զեկույցը հերքում է նախագահ Ջո Բայդենի այն պնդումները, որ նա կրճատել է դեֆիցիտը, քանի որ փոխառություններն աճել են 2023 թվականին, և ակնկալվում է, որ այս տարի կրկին կաճեն:
