22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Թուրքիայում Կուրբան Բայրամի առաջին օրը 16,000 մարդ է վիրավորվել
Քաղաքականություն
17.06.2024 | 23:16
Թուրքիայում 16,000 մարդ բժշկական օգնության է դիմել Կուրբան Բայրամ տոնի առաջին օրը՝ կենդանիների զոհաբերության ժամանակ կտրվածքներ ստանալու պատճառով։ Այս մասին հայտնել է Թուրքիայի առողջապահության նախարար Ֆահրեթին Քոջան։
«Բայրամի առաջին օրը մոտ 16,000 մարդ ամբողջ երկրում, այդ թվում՝ 1274-ը՝ Անկարայում, 840-ը՝ Ստամբուլում և 416-ը՝ Իզմիրում, դիմել են առողջապահական հաստատություններ՝ զոհաբերության ժամանակ ստացած վնասվածքների հետևանքով։ Նման իրավիճակների պատճառ է դառնում այն փաստը, որ դա պրոֆեսիոնալների կողմից չի կատարվում։ Նրանց, ովքեր դեռ չեն զոհաբերել իրենց կենդանիներին, խորհուրդ ենք տալիս ուշադրություն դարձնել սրան։ Շուրջ 16,000 մարդ առաջին իսկ օրվանից չի կարողանա վայելել տոնն այնպես, ինչպես կցանկանար»,- գրել է Քոջան X-ում։
Նշենք, որ Կուրբան Բայրամը՝ զոհաբերության տոնը, մահմեդականների գլխավոր տոներից է։
