07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
«Օտարերկրյա գործակալների» մասին օրենքը միայն կարագացնի ԵՄ-ին Վրաստանի անդամակցությունը. Կոբախիձե
Քաղաքականություն
17.06.2024 | 21:55
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
«Օտարերկրյա գործակալների» մասին օրենքի ընդունումից հետո Եվրամիությանն անդամակցության շուրջ բանակցություններ սկսելու շանսերը միայն աճել են։ Այս մասին հայտարարել է Վրաստանի վարչապետ Իրակլի Կոբախիձեն, հայտնում է SOVA-ն։
Նրա խոսքով՝ մինչ «Արտաքին ազդեցության թափանցիկության մասին» օրենքը նախաձեռնելը ԵՄ-ին անդամակցելու շուրջ բանակցությունները սկսելու՝ Վրաստանի շանսերը «զրոյական էին»։
«Մենք մեզ թույլ տվեցինք այս տրամաբանական եզրակացությունը ԵՄ կոնկրետ ներկայացուցիչների հետ հանդիպումներից հետո, այսօր՝ օրենքի ընդունումից հետո, այդ շանսը հասել է 20-30%-ի»,- ասել է Կոբախիձեն։
Լրագրողները վարչապետից հետաքրքրվել են, թե ինչո՞ւ է այդպես կարծում, երբ արևմտյան գործընկերների հայտարարությունները հակառակն են վկայում, ինչին ի պատասխան՝ Կոբախիձեն ասել է, որ «հայտարարությունները մի բան են, արդյունքը՝ այլ»։
«2023 թվականին տարբեր հայտարարություններ եղան, բայց, ի վերջո, մենք ստացանք թեկնածուի կարգավիճակ, որովհետև երբ դու պնդում ես քո սկզբունքների վրա, արդյունք կստանաս»,- ընդգծել է Վրաստանի վարչապետը։
