Հասարակություն
16.06.2024 | 18:20
«Հայկական «ջիջի» ընկերության դեմ հարուցվել է ակնհայտ անհիմն և անօրինական քրեական վարույթ, որի միակ դրդապատճառը ընկերության հիմնադիր Խաչատուր Գրիգորյանի ակտիվ քաղաքացիական դիրքորոշումը և հասարակական գործունեությունն է: Այս մասին հայտարարություն է տարածել ընկերությունը։
Հիշեցնենք, որ ընկերության հիմնադիր Խաչատուր Գրիգորյանը հետևյալ գրառումն էր կատարել իր էջում․ «Եթե դու հայ ես, եթե ինձ բարևելուց ուզում ես, որ ես քեզ հարգեմ, քո տեղը Բաղրամյանի վրա է»։
Օրերս «ջիջի» ընկերության գրասենյակում խուզարկություն է կատարվել, առգրավվել է 26 համակարգիչ։
Մայիսի 21-ին էլ Մրցակցության պաշտպանության հանձնաժողովը հայտարարություն տարածեց, որ հարուցել է վարույթ ընկերության նկատմամբ՝ անբարեխիղճ մրցակցության հատկանիշների առերևույթ առկայության հիմքով։
