09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Հունիսի 12-ին Բաղրամյան պողոտայում ոստիկանության հետ բախումների շրջանակում կալանավորվել է 5 մարդ. Մելիքյան
Հասարակություն
16.06.2024 | 11:27
Հունիսի 12-ին Բաղրամյան պողոտայում ոստիկանության հետ բախումների շրջանակում կալանավորվել է 5 մարդ: Այս մասին հայտնել է փաստաբան Ռուբեն Մելիքյանը։
«Այսօր ազատ արձակվեցին հունիսի 12-ի գործով «առաջին ալիքի» բոլոր ձերբակալվածները։ Այսինքն՝ բերետները ձերբակալել էին բոլորովին անմեղ 28 անձի։
Միևնույն ժամանակ, տեսագրությունների հիման վրա սկսեց ձերբակալությունների երկրորդ ալիքը։ Ձերբակալվեց ու արագ դատարան ներկայացվեց 8 անձ, որոնցից 5-ի նկատմամբ արագ կայացվեց կալանքի որոշում՝
1) Կարմեն Մնացականյան – 1 ամիս
2) Վաչիկ Խաչատրյան – 1 ամիս
3) Լևոն Սաֆարյան – 2 ամիս
4) Արմենակ Խաչատրյան – 2 ամիս
5) Ավետիք Ջիլավյան – 1 ամիս
Եվս 3 անձի վերաբերյալ որոշումները կհրապարակվեն հունիսի 16-ին՝
1) Տիգրան Սարիբեկյան
2) Սամվել Բաղդասարյան
3) Նարեկ Պետրոսյան
Ինչու՞մ են մեղադրում այս մարդկանց։ Ասում են՝ իբր խուլիգանություն են կատարել։ Ժողովրդի նկատմամբ նռակներ կիրառելու փաստից բարկացած՝ մեկը պլաստիկ շիշ է նետել, մյուսը՝ փետի կտոր։
Իսկ նռնակներ նետած, ծեծ ու ջարդ կատարած, Աբրահամին արյունլվա արած բերետներին դեռևս չենք տեսնի ո՛չ ձերբակալված և ո՛չ էլ կալանավորված։ Ռեժիմը չի զոհի իր «հերոսներին»»,- գրել է Մելիքյանը։
