14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
ԱԳ փոխնախարարը բարձր է գնահատել Կանադայի աջակցությունը ՀՀ ինքնիշխանությանը, տարածքային ամբողջականությանը
Քաղաքականություն
15.06.2024 | 17:04
Հունիսի 14-ին ԱԳ նախարարի տեղակալ Պարույր Հովհաննիսյանն ընդունել է Կանադայի արտաքին գործերի նախարարության Արկտիկայի, Եվրասիական և Եվրոպական հարցերով գլխավոր տնօրեն Ռոբերտ Սինքլերին: Այս մասին տեղեկացնում են ՀՀ ԱԳՆ-ից։
«ԱԳ նախարարի տեղակալը վերահաստատել է Կանադայի հետ համագործակցության հետագա ընդլայնմանն ուղղված հայկական կողմի պատրաստակամությունը:
Հանդիպմանն անդրադարձ է կատարվել երկկողմ օրակարգային հարցերին և տարածաշրջանային զարգացումներին:
ԱԳ նախարարի տեղակալ Պարույր Հովհաննիսյանը զրուցակցին մանրամասներ է ներկայացրել Հարավային Կովկասում կայուն խաղաղության հաստատման՝ ՀՀ կառավարության ջանքերի մասին, անդրադարձել Հայաստանի և Ադրբեջանի միջև սահմանազատման գործընթացին՝ հիմնված Ալմա-Աթայի հռչակագրի սկզբունքների վրա և ներկայացրել «Խաղաղության խաչմերուկ» նախագիծը:
Նախարարի տեղակալ Պարույր Հովհաննիսյանը բարձր է գնահատել Կանադայի աջակցությունը ՀՀ ինքնիշխանությանը, տարածքային ամբողջականությանը և ժողովրդավարությանը»,- ասված է հաղորդագրության մեջ:
