05.03.2026 | 18:50
ԵՄ-ն և Պարսից ծոցի երկրները երկխոսության կոչ են արել՝ ճանաչելով Իրանից պաշտպանվելու իրավունքը
Դոնի Ռոստովի հայկական համայնքի հետ տեսակապով քննարկվել են դասագրքերին և կրթական ոլորտին առնչվող մի շարք խնդիրներ
Հասարակություն
30.08.2018 | 19:42
Օգոստոսի 30-ին Սփյուռքի նախարարությունում տեղի ունեցավ տեսաժողով Դոնի Ռոստովի հայկական համայնքի ներկայացուցիչների հետ. տեղեկացնում է նախարարության լրատվական ծառայությունը:
Հայաստանից տեսակապով հանդիպմանը մասնակցում էին սփյուռքի նախարարի տեղակալ Արամայիս Գրիգորյանը, նախարարի օգնական Վաղարշակ Հակոբյանը, Կրթության և գիտության նախարարության Արտաքին կապերի և սփյուռքի վարչության պետ Արկադի Պապոյանը, Սփյուռքի հետ կապերի բաժնի պետ Կարեն Մնացականյանը, նախարարությունների աշխատակիցներ:
Դոնի Ռոստովից մասնակցում էին Ռոստովի մարզի Մյասնիկովսկի շրջանի կրթության բաժնի պետ Ռիտա Բզեզյանը, շրջանի ղեկավարի տեղակալ Նազիկ Քեշիշյանը, հայկական համայնքի գործադիր տնօրեն Սերգեյ Սայադովը, ազգային կրթության բաժնի ավագ մեթոդիստ Հրանտ Կախկիչյանը, ուսուցիչներ:
Տեսաժողովի ընթացքում քննարկվեցին նոր ուսումնական տարվան, դասագրքերին և կրթական ոլորտին առնչվող մի շարք խնդիրներ: Երկուստեք կարևորվեց մշտական կապը և առկա խնդիրների հետևողական լուծումը:
