29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Թուրքիան 15%-ով կբարձրացնի Բոսֆորով նավերի տարանցման արժեքը
Քաղաքականություն
13.06.2024 | 23:30
Թուրքիան հուլիսի 1-ից թուրքական Բոսֆորի և Դարդանելի նեղուցներով նավերի անցումը հաջորդ ամսվա սկզբից կբարձրացնի շուրջ 15%-ով․ այն այսուհետ կկազմի 5,07 դոլար, գրում է The Moscow Times-ը։
«Եթե մինչև 2022 թվականը 10 հազար տոննա բեռնատար նավ մեզ, ընդհանուր առմամբ, վճարում էր 3 հազար 240 դոլար տարանցման համար, ապա հուլիսի 1-ից, հաշվի առնելով տարանցման նոր սակագները, ստիպված կլինեն վճարել 20 հազար 370 դոլար»,- պարզաբանել է տրանսպորտի նախարար Աբդուլքադիր Ուրալօղլուն։
Այսպիսով, Թուրքիան կավելացնի արտարժույթի ներհոսքը պետական գանձարան, նշել է նա։
Տարանցման արժեքը գրեթե 40 տարի մնացել է անփոփոխ, սակայն 2023 թվականի հուլիսին այն բարձրացվել էր 8%-ով՝ մինչև 4,42 դոլար։
