07.11.2026 | 10:54
ՀՀ տարածքում ավտոճանապարհներն անցանելի են
ԱՄՆ-ը պատժամիջոցներ է սահմանել ՌԴ-ի, Թուրքիայի, Բելառուսի և այլ երկրների 300 ընկերությունների նկատմամբ
Քաղաքականություն
13.06.2024 | 12:16
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
ԱՄՆ-ը հայտարարել է նոր պատժամիջոցների փաթեթի մասին՝ ուղղված Ուկրաինայում Ռուսաստանի սանձազերծած շարունակական պատերազմին: Եվս 33 անձ և շուրջ 300 ընկերություններ ու կազմակերպություններ՝ ինչպես ռուսական, այնպես էլ օտարերկրյա, որոնք օգնում են Մոսկվային շրջանցել արդեն իսկ ներդրված սահմանափակումները, հայտնվել են սև ցուցակում, գրում է DW-ի ռուսական ծառայությունը։
Ֆինանսների նախարարության հայտարարության մեջ ասվում է, որ սահմանափակումների ենթակա իրավաբանական անձանց թվում են ընկերություններ Չինաստանից, Թուրքիայից, Ղազախստանից, Ղրղզստանից, Բուլղարիայից, Սերբիայից, Արաբական Միացյալ Էմիրություններից, Բելառուսից և Բրիտանական Վիրջինյան կղզիներից։
Պատժամիջոցներ են կիրառվել նաև ռուսական մի շարք ֆինանսական կազմակերպությունների նկատմամբ, որոնք միջնորդ են հանդես գալիս ռուսական արտարժույթի շուկայում դոլարի առևտրում։ Խոսքը, մասնավորապես, Մոսկվայի բորսայի, Ազգային քլիրինգային կենտրոնի և Ազգային հաշվարկային դեպոզիտարիայի մասին է։
Մասնագիտական տելեգրամ-ալիքների համաձայն՝ Մոսկվայի բորսայի և քլիրինգային կենտրոնի դեմ պատժամիջոցները սպառնում են դոլարային համակարգից մեկուսացմանը, այդ թվում՝ դոլարով և եվրոյով առևտրի դադարեցմանը։
Մոսկվայի բորսան արդեն հայտարարել է, որ հունիսի 13-ից հարթակը դոլարով և եվրոյով առևտուր չի իրականացնելու, միաժամանակ, նշել, որ ունի անհրաժեշտ գործիքներ՝ աճող տատանողականության պայմաններում անխափան առևտուր ապահովելու համար։
Սահմանափակումների ցուցակում են հայտնվել նաև «Սոգազ»-ը և Ռուսաստանի ազգային վերաապահովագրական ընկերությունը։ Ցուցակում ավելի քան 100 իրավաբանական և ֆիզիկական անձինք կան, որոնք զբաղվում են ռուսական էներգետիկայի, մետալուրգիական և լեռնահանքային արդյունաբերության ու արտահանման ներուժի զարգացմամբ, ինչպես նաև օգնում են շրջանցել նախկինում սահմանված սահմանափակումները։ Ցուցակում են նաև ավելի քան մեկ տասնյակ անդրազգային ցանցեր, որոնք ոսկի են լվանում ռուս արտադրողի համար, աջակցում են անօդաչու թռչող սարքերի արտադրությանը և գնում են զգայուն, կարևոր նյութեր ռուսական քիմիական և կենսաբանական զենքի ծրագրի համար:
