Քաղաքականություն
12.06.2024 | 23:17
Հարավաֆրիկյան Հանրապետությունում մահացել է կապիկի ջրծաղիկով վարակված անձը։ ՌԻԱ Նովոստիի փոխանցմամբ՝ այս մասին հայտնել է երկրի առողջապահության նախարար Ջո Պաախլան։
«ՀԱՀ-ում գրանցվել է, ընդհանուր առմամբ, 5 լաբորատոր հաստատված դեպք և մեկ մահ»,- ասված է Պաախլայի հայտարարության մեջ։
Նշվում է, որ ՀԱՀ-ում բոլոր վարակվածները 30-39 տարեկան տղամարդիկ են, ովքեր չեն ճանապարհորդել այն երկրներ, որտեղ ներկայում կապիկի ջրծաղիկի բռնկում կա։
Կապիկի ջրծաղիկի վարակի ալիքը սկսվել է 2022 թվականի մայիսին և ի հայտ է եկել այնպիսի երկրներում, որոնք նախկինում երբեք չեն բախվել վիրուսի հետ, ինչպիսիք են ԱՄՆ-ը, Մեծ Բրիտանիան, Շվեդիան և Բելգիան:
