09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Զելենսկին հայտնել է Ուկրաինայի գրեթե բոլոր ՋԷԿ-երի ոչնչացման մասին
Քաղաքականություն
11.06.2024 | 21:11
Ռուսական զորքերը ոչնչացրել են Ուկրաինայի գրեթե բոլոր ջերմաէլեկտրակայանները, հայտարարել է երկրի նախագահ Վլադիմիր Զելենսկին, գրում է ՈՒՆԻԱՆ-ը։
«Մենք արդեն կորցրել ենք ավելի շատ հզորություններ, քան խոշոր քաղաքների սպառումն է։ Ուկրաինայում ջերմային արտադրության 80%-ը, հիդրոէներգիայի մեկ երրորդը պարզապես ոչնչացրել է Պուտինը»,- ասել է Զելենսկին Բեռլինում անցկացվող Ուկրաինայի վերականգնմանը նվիրված համաժողովի ընթացքում։
Նրա խոսքով՝ ռուսական հարվածները ոչնչացրել են 9 գիգավատ հզորություն, չնայած անցյալ ձմռանն Ուկրաինայում էներգիայի սպառման գագաթնակետը կազմել է 18 գիգավատ։ Պետության ղեկավարը եվրոպացի գործընկերներին կոչ է արել սկսել Ուկրաինայի էներգետիկ համալիրի վերականգնումը հենց հիմա, որպեսզի դա արվի մինչև ձմռան սկսվելը։
«Ամենամոտ հեռանկարում մենք պետք է կազմակերպենք բոլոր էներգետիկ օբյեկտների արագ և էժան վերականգնում, որոնք կարող են վերականգնվել առաջիկա 3-4 ամիսների ընթացքում: Սա կարևոր է ձմռան համար»,- պարզաբանել է նա։
