Քաղաքականություն
07.06.2024 | 22:18
Եմենի հութի ապստամբները ձերբակալել են ՄԱԿ-ի գործակալություններում աշխատող առնվազն 9 մարդու, հաղորդում է Associated Press-ը՝ հղում անելով իր աղբյուրներին:
Գործակալության տվյալներով՝ ձերբակալվածների թվում կան ՄԱԿ-ի մարդու իրավունքների գրասենյակի, Պարենի համաշխարհային ծրագրի աշխատակիցներ, ինչպես նաև ՄԱԿ-ի հատուկ ներկայացուցչի գրասենյակի մեկ աշխատակից։
Հութիների նման գործողությունների պատճառները չեն հաղորդվում։
ՄԱԿ-ը դեռևս չի հաստատել այս տեղեկությունը։
Զինված ապստամբ «Անսար Ալլահ» խմբավորումը, որի անդամները կոչվում են նաև հութիներ, ներկայում վերահսկում են Եմենի մեծ մասը, ներառյալ՝ մայրաքաղաք Սանան, ինչպես նաև Սաուդյան Արաբիայի մոտ գտնվող երկրի հյուսիսային և արևմտյան տարածքների մի մասը:
