Քաղաքականություն
06.06.2024 | 22:08
Ինչ վերաբերում է հայ-ադրբեջանական գործընթացին, կարող եմ ասել, որ մենք կարծում ենք` մի քանի բաց հարցեր դեռ մնում են։ Այս մասին հայտարարել է Ադրբեջանի նախագահ Իլհամ Ալիևը Թյուրքական պետությունների կազմակերպության անդամ երկրների խորհրդարանների նախագահների հետ հանդիպման ժամանակ։
«Դրանցից մեկը Հայաստանի Սահմանադրությունն է, որը տարածքային պահանջներ ունի Ադրբեջանի նկատմամբ։ Երկրորդ՝ պետք է դադարեցնել Հայաստանի անհիմն տարածքային պահանջները Ադրբեջանի և Թուրքիայի նկատմամբ»,- ասել է Ալիևը`նշելով, թե «անհնար է խաղաղության պայմանագիր կնքել, եթե Հայաստանի գործող Սահմանադրությունը մնա անփոփոխ»:
«2020 և 2023 թվականների իրադարձություններից հետո Ադրբեջանի դեմ տարածքային պահանջներ ներկայացնելը մոտ է ինքնասպանության: Հետևաբար, նրանք պետք է փոխեն իրենց գաղափարախոսությունը, հասարակության տրամադրությունները: Նրանք պետք է ամբողջությամբ հրաժարվեն ռևանշիզմի գաղափարներից: Եվ մենք տեսնում ենք, որ նման գաղափարներ կան ոչ միայն ընդդիմադիր դաշտում, այլև իշխանության մեջ»,- նշել է Ադրբեջանի նախագահը։
Այնուհետև նա կրկին դժգոհել է ԵԱՀԿ Մինսկի խմբի գործունեությունից։
«Իհարկե, մենք դա արդեն առաջարկել ենք հայկական կողմին, որ Ադրբեջանն ու Հայաստանը համատեղ դիմեն ԵԱՀԿ-ին՝ Մինսկի խումբը չեղարկելու համար։ Մինսկի խմբի կարիքը չկա, այն հիմա չի գործում։ Մենք դե ֆակտո թույլ չենք տա, որ այն գործի։ Մնում է, որ այն դե յուրե չեղարկվի՝ օրինական ճանապարհով, և սա ցույց կտա, թե որքան անկեղծ է Հայաստանը։ Եթե Հայաստանը նախընտրում է պահպանել Մինսկի խումբը, ապա մեր նկատմամբ նրանց տարածքային պահանջները շարունակվում են»,- ասել է Ալիևը։
