24.06.2026 | 10:42
«Ինձ պիտի օգնեք, որ ես դառնամ համայնքապետ». ՀԿԿ-ն նոր գաղտնալսում է հրապարակել
Ռուս պրոպագանդիստների դեմ բողոք է ներկայացվել Հաագայի դատարան․ իրավապաշտպանները պահանջում են Սիմոնյանի և Սոլովյովի կալանավորման օրդեր տալ
Քաղաքականություն
06.06.2024 | 22:18
Մարդու իրավունքների միջազգային ֆեդերացիան (FIDH) և նրա գործընկերները գրավոր դիմել են Միջազգային քրեական դատարանի (ICC) դատախազին՝ խնդրելով ձերբակալել ռուս վեց պրոպագանդիստների։ Այս մասին ասվում է կազմակերպության մամուլի հաղորդագրությունում, գրում է Meduza-ն։
Իրավապաշտպանները պահանջում են հեռուստահաղորդավար Վլադիմիր Սոլովյովի, RT հեռուստաալիքի գլխավոր խմբագիր Մարգարիտա Սիմոնյանի, «Россия Сегодня» մեդիա խմբի ղեկավար Դմիտրի Կիսիլյովի, ռադիո և հեռուստահաղորդավար Սերգեյ Մարդանի, ինչպես նաև Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևի կալանավորման օրդերների տալ։
Նրանք բոլորը, ըստ նախաձեռնության հեղինակների, նպաստում են ռուսական ռազմական հանցագործություններին, ներգրավված են Ուկրաինայում խաղաղ բնակչության դեմ ատելություն տարածելու արշավում։ Իրավապաշտպաններն ասում են, որ այդ գործողությունները կարելի է որակել որպես մարդկության դեմ ուղղված հանցագործություն։
FIDH-ը նաև նշում է, որ Ռուսաստանի նախագահի աշխատակազմի ղեկավարի առաջին տեղակալ Ալեքսեյ Գրոմովը՝ ռուսական հեռուստատեսության պետական քարոզչության պատասխանատուն, նույնպես պատասխանատու է ատելության խոսքի միջոցով ուկրաինացիների հետապնդման համար։
Դիմումի շրջանակում իրավապաշտպանները վերլուծել են ռուս պրոպագանդիստների հայտարարությունների ավելի քան երկու հազար տեսագրություններ։ Ընդհանուր առմամբ, հայտնաբերվել է ավելի քան 300 հայտարարություն, որոնք համարվում են ուկրաինացիների նկատմամբ ատելության խոսք: FIDH-ի ուսումնասիրության արդյունքներն ուղարկվել են ՄՔԴ դատախազին։
