14.12.2025 | 15:17
Ուկրաինան հարվածել է Ուրյուպինսկի նավթաբազայի և Յարոսլավլի նավթավերամշակման գործարանին
ԱՄՆ-ը պատրաստ է Կիևին 50 մլրդ դոլարի վարկ տալ, եթե ԵՄ-ն անժամկետ պատժամիջոցներ սահմանի ՌԴ-ի դեմ․ FT
Քաղաքականություն
05.06.2024 | 22:44
ԱՄՆ-ը պատրաստ է Ուկրաինային տրամադրել 50 միլիարդ դոլարի վարկ, որը մարվելու է ռուսական սառեցված ակտիվներից ստացված շահույթի օգտագործմամբ, եթե Եվրամիությունն անորոշ ժամանակով երկարացնի Ռուսաստանի դեմ պատժամիջոցները։ Այս առաջարկն առկա է փաստաթղթում, որը պատրաստվել է ԵՄ ֆինանսների նախարարի առցանց քննարկման համար, հայտնում է Financial Times-ը, որին վկայակոչում է Meduza-ն։
Վարկի ստույգ մանրամասները, ներառյալ՝ դրա մարման ժամկետը, տոկոսադրույքը և այն ուղղակիորե՞ն, թե՞ միջնորդի միջոցով տրամադրելու հարցը դեռևս պետք է ճշտվի։
Լրատվամիջոցը գրում է, որ Միացյալ Նահանգները դիտարկում է նման վարկ տրամադրելու հնարավորությունը միայն այն դեպքում, եթե Եվրամիությունը դրա մարման համար հատկացնի ԵՄ երկրներում պահվող ռուսական ակտիվներից շահույթը և այդ ակտիվները մնան սառեցված սառեցված, «մինչև Ռուսաստանը չհամաձայնի վճարել Ուկրաինային պատճառված վնասի դիմաց»։
Վաշինգտոնը փորձում է ստիպել ԵՄ-ին երկարաձգել Ռուսաստանի դեմ պատժամիջոցները մինչև պատերազմի ավարտը։ Եթե սառեցված ակտիվներից ստացված շահույթը չհամապատասխանի պահանջվող վճարներին, կամ եթե ԵՄ-ն չկարողանա համաձայնեցնել պատժամիջոցների երկարաձգումը, ապա ԱՄՆ-ի վարկը չի վճարվի։
Ըստ լրատվամիջոցի՝ Վաշինգտոնը քննարկում է G7-ի իր գործընկերների հետ այդ ռիսկը կիսելու այլ հնարավոր տարբերակներ։ Այսպիսով, դաշնակիցների կողմից դիտարկվող մեկ այլ տարբերակ ենթադրում է, որ ԵՄ-ն G7-ի մյուս երկրների հետ միասին Ուկրաինային երկկողմանի վարկեր կտրամադրի՝ ապահովված ռուսական սառեցված ակտիվներից ստացված շահույթով։ Դա կպահանջի օգտագործել ԵՄ-ի ընդհանուր բյուջեն և դաշինքի բոլոր երկրների համաձայնությունը։
ԱՄՆ-ը պնդում է, որ այս կամ այն տարբերակի շուրջ համաձայնության պետք է հասնել մինչև հունիսի 13-15-ի գագաթնաժողովը։ Ակնկալվում է, որ հանդիպման հիմնական թեման կլինի Ուկրաինային ֆինանսական աջակցությունը, այդ թվում՝ սառեցված ռուսական ակտիվների միջոցով։
