09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Ժորա Չիչոյանի փոխարեն ՕՀՄ իրականացնելու միջնորդություններ կքննի Դավիթ Արղամանյանը
Հասարակություն
04.06.2024 | 18:35
Երևանի ընդհանուր իրավասության դատարանի դատավոր Դավիթ Արղամանյանն այսուհետ կքննի օպերատիվ հետախուզական միջոցառումներ իրականացնելու վերաբերյալ միջնորդություններ։ Բարձրագույն դատական խորհուրդը երեկ որոշել է oպերատիվ հետախուզական միջոցառումներ իրականացնելու վերաբերյալ միջնորդություններ քննող դատավորների ցանկում Ժորա Չիչոյանի անունը փախարինել Դավիթ Արղամանյանի անունով։ Թե ինչն է պատճառը, որ Չիչոյանին փոխարինելու է Դավիթ Արղամանյանը, մեզ հայտնի չէ․ ԲԴԽ որոշման մեջ ևս նշում չկա այդ մասին։
Նշենք, որ Դավիթ Արղամանյանը 2021-ին ստեղծված կալանքի դատարանի դատավորներից էր։ Այս դատարանի դատավորները 1 տարի աշխատելուց հետո ռեզերվային կարգավիճակ էին ստացել։ Դավիթ Արղամանյանը 1 տարի ռեզերվային կարգավիճակում մնալուց հետո 2024 թվականի ապրիլի 8-ին վերանշանակվել է դատավորի պաշտոնում։
Նշենք, որ Չիչոյանից բացի՝ ՕՀՄ իրականացնելու միջնորդություններ էին քննում նաև Երևանի քրեական դատարանի նախագահ Մնացական Մարտիրոսյանը, դատավորներ Արթուր Մկրտչյանը և Ջոն Հայրապետյանը։
Արաքս Մամուլյան
