17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Վիճաբանության ժամանակ կրակել էր հորեղբորորդու ուղղությամբ․ 46-ամյա քաղաքացին ձերբակալվել է
Հասարակություն
04.06.2024 | 18:18
Հունիսի 3-ի ժամը 19-ին ՆԳՆ ոստիկանության օպերատիվ կառավարման կենտրոն «Էրեբունի» բժշկական կենտրոնից հաղորդում է ստացվել, որ շտապօգնության խումբը Նոր Արեշի 41-րդ փողոցից հրազենային վիրավորումով բուժօգնության է տեղափոխել 52-ամյա մի տղամարդու․ տեղեկացնում են ՆԳՆ ոստիկանությունից։
Հիվանդանոց օպերատիվ խումբ է մեկնել:
Պարզվել է, որ ժամը 18.30-ին վերոհիշյալ փողոցի տներից մեկի մոտ տեղի ունեցած վիճաբանության ժամանակ 52-ամյա տղամարդու ուղղությամբ ողորկափող հրազենով կրակել և մարմնական վնասվածք էր պատճառել նրա 46-ամյա հորեղբորորդին:
Էրեբունու բաժնի քրեական հետախույզների բացատրական աշխատանքի շնորհիվ 46-ամյա տղամարդը ներկայացել է բաժին: Նա ձերբակալվել և ներկայացվել է քննչական բաժին:
Դեպքի վայրի զննությամբ ողորկափող հրազենը հայտնաբերվել և առգրավվել է:
Նախաձեռնվել է քրեական վարույթ:
