15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
Կողոպուտ մանկական խաղահրապարակում. Վաղարշապատի ոստիկանների բացահայտումը
Հասարակություն
04.06.2024 | 12:25
Մայիսի 25-ին ոստիկանության Վաղարապատի բաժին դիմեց մի կին: Նա տվեց հաղորդում, որ նույն օրը, կեսօրին մոտ, երբ երեխայի հետ Վաղարշապատի Տերյան փողոցի հարակից մանկական խաղահրապարակում էր, բացահայտ հափշտակել են իր բջջային հեռախոսն ու փախել․ տեղեկացնում են ՆԳՆ ոստիկանությունից։
Կինը շատ բան չէր կարող ասել կողոպտողի մասին, միայն նշեց, որ մոտ 30 տարեկան տղամարդ էր: Հանցագործի և հանցագործության վերաբերյալ տվյալները Վաղարշապատի քրեական հետախույզները լրացրին իրենց հայտնի հնարքներով, ձեռնարկեցին տարբեր միջոցներ, նաև` օպերատիվ-հետախուզական, ու վերջապես ստացան հավաստի տեղեկություն:
Ըստ օպերատիվ տվյալի` կնոջ հեռախոսը հափշտակել էր Վաղարշապատի Շիրվանզադեի փողոցի բնակիչ 30-ամյա մի երիտասարդ: Դեպքի վայրից նա հեռացել էր դաշտամիջյան ճանապարհով, հասել բանուկ հատված, որտեղ նախնական պայմանավորվածության համաձայն՝ նրան սպասում էր 32-ամյա ընկերը` իր «Օպելով»:
Մայիսի 30-ին հայտնաբերվեցին, ձերբակալվեցին և Վաղարշապատի բաժին տեղափոխվեցին 30-ամյա երիտասարդն ու մեծամորցի 32-ամյա ընկերը: Բաժնում նրանք խոստովանել են արարքը:
Տղամարդիկ ու կազմված փաստաթղթերը ներկայացվել են Վաղարշապատի քննչական բաժին: Ձեռնարկվում են միջոցառումներ` գողոնը հայտնաբերելու ուղղությամբ:
