12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Ինչ է հայտարարագրել ՀՀ նախագահ Վահագն Խաչատուրյանը
04.06.2024 | 10:36
ՀՀ նախագահ Վահագն Խաչատուրյանն անցած տարի ստացել է մոտ 15․8 մլն դրամ եկամուտ՝ ՀՀ նախագահի աշխատավարձը։ Կոռուպցիայի կանխարգելման հանձնաժողով նրա ներկայացրած 2023 թ-ի գույքի և եկամուտների հայտարարագրի համաձայն՝ տարեվերջի դրությամբ Խաչատուրյանի բանկային հաշիվներին եղել է ընդհանուր 40․4 մլն դրամ և 1241 դոլար, իսկ կանխիկ ունեցել է 1․2 մլն դրամ և 18 հազար դոլար։
Նախագահը հայտարարագրել է Կենտրոնում բնակարանը և ավտոտնակը, Կոտայքի Ձորաղբյուր համայնքում՝ 2 կտոր հողամաս։
Նրա կինը՝ Անահիտ Մինասյանը, ըստ հայտարարագրի, «Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲԸ-ում գլխավոր փորձագետ է, սակայն աշխատավարձ չի հայտարարագրել։ 2023-ին Մինասյանը ստացել է միայն կենսաթոշակ՝ 652 հազար դրամ։ Նրա բանկային հաշվին տարեվերջին եղել է 859 հազար դրամ, 1078 դոլար և 2480 եվրո։ Կանխիկ հայտարարագրել է 5000 դոլար և 4 մլն դրամ։ Նախագահի կինը Աջափնյակում միանձնյա բնակարան ունի։
Որդին՝ Արամ Խաչատուրյանը, «Արմենիան քարդ» («ԱՐՔԱ») քարտերով վճարումների համակարգ ՓԲԸ-ում առաջատար մասնագետ է։ 2023 թ-ի համար նա դեռևս չի ներկայացրել գույքի և եկամուտների հայտարարագիր։
Գայանե Խաչատրյան
