11.08.2026 | 18:24
Ո՛չ տուշոնկա կար, ո՛չ կաթ կար վերջնական վճռի մեջ,ձեր սիրելի Մացոյի օրինական վճիռը կարդացեք․ Մանուկյան. ՏԵՍԱՆՅՈՒԹ
Եթե շարունակենք այսքան ատել իրար, Հայաստանն էլ կկորցնենք․ իրար տապալելու մրցույթ է. Բայաթյան․ ՏԵՍԱՆՅՈՒԹ
Քաղաքականություն
01.06.2024 | 19:00
«Ատելության խոսք տարածելն անընդունելի բան է, տպավորություն է, որ մեր հայրենակիցները մրցում են իրար հետ, թե ով ում ավելի շուտ կտապալի: Ես այդ անհանդուրժողականությունից վիրավորված ու ճնշված եմ զգում ինձ, մենք արժանի չենք դրան: Եթե նման կերպ շարունակենք ապրել, Հայաստանն էլ կկորցնենք»,-Factor TV-ի հետ զրույցում տեսակետ է հայտնում երգիչ, երգահան Արտավազդ Բայաթյանը:
Նա խոսում է նաև «Տավուշը հանուն հայրենիքի» շարժման մասին` նշելով, որ շատ հարցեր իր համար պարզապես հստակ չեն. «Շարժումը չունի հստակ օրակարգ` բացի վարչապետի հրաժարականից: Պետք է ծրագիր, որ հասկանանք`ուր է տանում այն: Դա չի կարելի ժողովրդից թաքուն պահել, դա արկածախնդրություն է: Իմ կյանքի փորձը ցույց է տալիս, որ սա իշխանության պայքար է»:
Արտավազդ Բայաթյանն անդրադառնում է արվեստագետների մի հատվածի, որոնք այս օրերին լուռ են. «Կարծում եմ`բոլորն էլ կողմնորոշված են, բայց մի մասը կեղծավոր է, մյուս մասը` վախից ձայն չի հանում: Նյութական շահի համար շատերն անում են այն, ինչ չպետք է անեին»:
Մանրամասները`տեսանյութում:
Աննա Բաբաջանյան
