15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Ռոբերտ Քոչարյանը չի կարող դառնալ կոնսոլիդացնող ուժ. Լևոն Շիրինյան․ ՏԵՍԱՆՅՈՒԹ
Քաղաքականություն
29.08.2018 | 13:40
Քաղաքագետ Լևոն Շիրինյանի խոսքով՝ Հայաստանի դատական համակարգը մեռած 3-րդ Հանրապետության՝ քարշ եկող դատական համակարգն է, և ասվածի ապացույցն է այն, որ դատավորները ստանում են այնքան աշխատավարձ, որի մասին 4 ակադեմիկոս չեն կարող երազել անգամ։ Այս մասին այսօր լրագրողների հետ հանդիպման ժամանակ ասաց քաղաքագետ Լևոն Շիրինյանը։
«Սա ռոբերտա-սերժական ռեժիմի՝ դատական համակարգը կաշառելու ձև է, դրա համար էլ Քոչարյանի խնդիրը բերեցին և դարձրեցին դատարանի խնդիր»,-ասաց քաղաքագետը՝ նշելով, որ դատական համակարգում գործող ճգնաժամային իրավիճակը շտկելու համար է, որ առաջարկվում է անցումային արդարադատության մարմնի ստեղծումը։
Քաղաքագետն անդրադարձավ նաև խորհրդարանական ընտրությունների անցկացման անհրաժեշտությանը և նշեց, որ գործող խորհրդարանը ոչ լեգիտիմ խորհրդարան է, իսկ նախկին ռեժիմի կարկառուն ներկայացուցիչները չեն վայելում ժողովրդի վստահությունը, ուստի պետք է արձակել Ազգային ժողովը։
«Մայիսի 2-ից հետո դա դիակը քարշ տվող կառույց է»,- ասաց քաղաքագետը։
Լևոն Շիրինյանը խոսեց նաև 2-րդ նախագահ Ռոբերտ Քոչարյանի՝ «НТВ» հեռուստաընկերությանը տված հարցազրույցի և Քոչարյանի այն տեսակետի մասին, որ ինքը Հայաստանում կդառնա կոնսոլիդացնող ուժ:
«Հայաստանի հետադիմությունն է փորձում միավորվել ու սկսել են հեղափոխության դեմ գործել: Նրանք ձայն էլ չեն ստանալու, թող չթպրտան։ Ռոբերտ Քոչարյանը չի կարող դառնալ կոնսոլիդացնող ուժ»,- ասաց քաղաքագետը։
Մանրամասները՝ տեսանյութում։
