21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Թուրքիան ներխուժի ՀՀ, ռուս սահմանապահները չեն պաշտպանի․ 2020-ի պատերազմում երկուսն էլ մեր դեմ էին․ Արմեն Հովհաննիսյան․ՏԵՍԱՆՅՈՒԹ
Քաղաքականություն
30.05.2024 | 21:45
Վրաստանում օտարեկրյա գործակալների մասին օրենքն ընդունվեց՝ Արևմուտքը կոշտ ընդունեց դա, Հայաստանում ներքաղաքական սրացումներ կան Փաշինյանի հրաժարականի պահանջով, Ադրբեջանի և ՌԴ-ի խորը մերձեցումը շարունակվում է․ թեև ռուսական զորքերը ԼՂ-ից դուրս եկան, բայց օրերս ՌԴ Դաշնային խորհրդի միջազգային հարցերով կոմիտեի ղեկավար Գրիգորի Կարասինը Բաքվում ասում էր, թե իրենք եղբայրներ են, դարեր շարունակ ռազմավարական համագործակցում են, Պուտինն ու Ալիևը իրար ճիշտ են հասկանում։ Իսկ Լուկաշենկոն պնդում էր, որ Ադրբեջանը ռեգիոնի առաջնորդը պիտի լինի։
Քաղաքական վերլուծաբան Արմեն Հովհաննիսյանը Factor TV-ի հետ զրույցում ասում է, որ թեժանում է ռեգիոնում Ռուսաստանի և Արևմուտքի միջև մրցակցությունը, և ըստ նրա՝ հաղթած դուրս գալու իմաստով՝ ավելի մեծ շանսեր ունեն ԱՄՆ-ն և ԵՄ-ն։ Այս համատեքստում, ըստ Հովհաննիսյանի, Հայաստանի արտաքին քաղաքական վեկտորի ուղղությունը պետք է լինի դեպի Արևմուտք՝ ԵՄ և ՆԱՏՕ, ինչը բխում է երկրի շահերից։
Իսկ չափազանցված չե՞ն այն գնահատականները, որ Ռուսաստանը հեռանում է ռեգիոնից․ պնդման հեղինակները նշում են ՀՀ-ի 5 մարզից հենակետերի ապամոնտաժումը, ԼՂ-ից զորքերի դուրսբերումը։
«ՌԴ-ն հանձնելու է ՀՀ-ն և ռեգիոնը Թուրքիային, ԵՄ-ին պիտի անդամակցենք, եթե ռուս-թուրքական ֆորպոստ չենք ուզում լինել»,- ասում է Արմեն Հովհաննիսյանը։ Ըստ վերլուծաբանի՝ ռուսները հեռացման փուլում են, ՀՀ-ն պիտի վերահսկի Թուրքիայի և Իրանի սահմանները, հայկական կողմը լիովին պատրաստ է․ ՌԴ սահմանապահներին պիտի փոխարինվեն։ Ըստ Հովհաննիսյանի՝ եթե Թուրքիան ներժուխի Հայաստան, ՌԴ-ի սահմանապահները չեն պաշտպանելու։
Հարցազրույցն ամբողջությամբ՝ տեսանյութում։
Ռոբերտ Անանյան
