05.08.2026 | 21:51
Էրդողանի դաշնակից Բահչելին կոչ է արել ազատ արձակել Օջալանին ու Դեմիրթաշին
Առողջապահության նախարարության և ԱՀԿ Եվրոպայի տարածաշրջանային գրասենյակի միջև համագործակցության համաձայնագիր է ստորագրվել
29.05.2024 | 21:47
ՀՀ առողջապահության նախարար Անահիտ Ավանեսյանը ԱՀԿ Եվրոպական տարածաշրջանային գրասենյակի տնօրեն Հանս Կլյուգեի հետ հանդիպում է ունեցել ԱՀԿ 77-րդ առողջապահական համաշխարհային վեհաժողովի շրջանակներում։
«Քննարկել ենք առողջապահական համակարգի հզորացմանը, հասանելի և որակյալ առողջապահության ապահովմանը, արտակարգ իրավիճակներին, մարտահրավերներին արդյունավետ հակազդելու մոտեցումները։
Ներկայացրել եմ համապարփակ ծածկույթի իրականացմանն ուղղված մեր ջանքերը, առողջության առաջնային օղակում կատարվող բարեփոխումները, էլեկտրոնային դեղատոմսի անցման մեր նախաձեռնումը։
Կարևորեցի ԼՂ֊ից բռնի տեղահանված մեր հայրենակիցների աջակցման համար երկարաժամկետ ծրագրերի մշակումը։
Առիթն օգտագործելով` ամրագրեցինք առաջիկա համատեղ անելիքները` Առողջապահության նախարարության և ԱՀԿ Եվրոպայի տարածաշրջանային գրասենյակի միջև 2024- 2025թթ. Երկամյա համագործակցության համաձայնագրի ստորագրմամբ:
Առաջարկեցի միջազգային բնույթի ԱՀԿ առողջապահական առաջիկա միջոցառումներն անցկացնել Հայաստանում»,- ասված է նախարարի գրառման մեջ։
