09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Ռուսաստանի պաշտպանության նախարարությունը հայտնել է Բելգորոդի շրջանում երկու անօդաչու թռչող սարքի խոցման մասին
Քաղաքականություն
29.05.2024 | 22:58
Չորեքշաբթի կեսօրին Բելգորոդի շրջանի տարածքում հերթապահություն իրականացնող հակաօդային պաշտպանության ուժերը ոչնչացրել են ուկրաինական ինքնաթիռային տիպի երկու անօդաչու թռչող սարք, BBC-ի փոխանցմամբ՝ այս մասին հայտնում է ՌԴ ՊՆ-ն։
Ավելի վաղ ՊՆ-ն հայտնել էր, որ ուկրաինական զինված ուժերի կործանիչ է խոցվել։ «Ուկրաինայի ռազմաօդային ուժերի ՄիԳ-29 ինքնաթիռը խոցվել է ՀՕՊ համակարգերի կողմից»,- ասվում է հաղորդագրության մեջ։
Ռուս զինվորականները նաև հայտարարել են, որ «Հյուսիս» զորքերի խմբավորումը առաջ է շարժվում Ուկրաինայի պաշտպանության խորքը Խարկովի մարզում, և որ հարվածներ են հասցվել Ուկրաինայի զինված ուժերի երեք բրիգադներին, այդ թվում՝ Վոլչանսկի շրջանում։
ՌԴ ՊՆ-ն պնդում է, որ Ուկրաինայի զինված ուժերի մեկ օրում կորուստները կազմել են մինչև 165 զինծառայող, երկու հետևակի մարտական մեքենա, յոթ մեքենա, D-20 հաուբից, Paladin ինքնագնաց հրետանային համալիր, երկու «Բուկովել-AD» ռադիոէլեկտրոնային պայքարի համալիր, ինչպես նաև՝ զինամթերքի պահեստ։
